JEREMIAH 25:12 - Cho Bible Common Language 2016

¹² Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

JEREMIAH 25:12 Referans Kwoze

DANIEL 9:2

Ani ah uknak a htük bäih ah khokum ung, kei naw caciim theing gui cu phat ne, Bawipa naw prophet Jeremiah am, am thein ah mäih ah, khokum chih kip ung Jerusalem dishum khai cicu kei naw ka ngaih-tüh pyi ci.

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

ISAIAH 14:23

Kei naw Babilon cu cüihnai ah ka lat khan, a cun ung pangpät gui om khai gui. Kei naw Babilon cu phaipheh awn ka pheik khai, cun naw avan phai yawp khai. Kei, m’gäi ciah Bawipa naw thu kä pyen nei.”

EZEKIEL 35:9

Kei naw khonglän ung ka ning shiu sak gui khai, nangmi ah mang gaw gui ung a u phi kä om ba khai. Cun kawn ah nangmi naw kei cu Bawipa ah nami na hmat khai.

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”

JEREMIAH 23:2

Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

ISAIAH 46:1

Shin cu Babilon khanpughi gui ah ng’pyi nak ah kyak ci nei! A zan ung Bel la Nebo cu khawihnah man ci gui, Cun ung phi tuhbäi sela ah phuih vai ah kyak sak ci gui.

ISAIAH 20:1

Sarkon, Assiria ghangpughang, Assirian gabawi — kbäih ah ang thu k’bäi awn philistine mang gaw Ashdod cu khäm ci gui.

ISAIAH 15:6

Nimrim tuilawng cu ket ci, a pei yun ah khumghaw gui cu chawng yawp ci, a i phi khu ching kä om ba ci.

2 GHANGPUGHANG GUI 24:1

Jehoiakim ghangpughang ah a kyak yah ung Babilonia ghangpughang Nebukhadnezzar naw Judah cu tu ne khokum thum ung hnim ne uk ci, cun ung phi akum thum ung ani naw hnungtuk püi ci.

2 SHONTÄP NAK 36:22

Sairus cu Persia ung uktubawi ah a kyak nak a kum ät nak ung Bawipa naw Jeremiah ung a pyen ah ng’thu cu bä khai ah bik ci. Ani naw Sairus cu k’tawt shi ne thumkhän tei sak ne, gu neta ani ah uknak khaw avan ung m’lau ne ami phat vai ah pyen ci.

SAM 137:8

Babilon, nang cu na di khai nei. Keimi ah khan ah nang naw na bi ah hmawk ah ning thung ba ne bik ciah chang ah khan ah yeikyai nak om sä,

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 27:22

Cun gui cu Babilon ah hteh püi gui khai gui, cun gui cu kei naw ka m’htei güt ung acu ah om khai gui. Cun kawn ah ashi ah law püi ba gui ne, ashin ah hmun ung ka gim ba gui khai, kei, Bawipa naw ka pyen nei.”

HABAKKUK 1:17

Ngami naw ami khim kawt lä ne, chang ah hta avan cu kä m’gein ne m’di lä khai gui ma?