JEREMIAH 25:1 - Cho Bible Common Language 2016

¹ Jasiah ah hta Jehoiakim Judah ghangpughang ah a kyak nak akum phli nak ung. Judah chang gui avan ah mawng ng’thu cu Bawipa ungka ka gah ci. (Cun cu Nebukhadnezzar Babilonia ghangpughang ah a kyak nak akum ät nak ung ah kyak ci.)

JEREMIAH 25:1 Referans Kwoze

JEREMIAH 36:1

Josiah ah hta Jehoiakim Judah Ghangpughang ah a kyak nak akum phli nak ung, Bawipa naw na pyen nak ci,

DANIEL 1:1

Judah kho ung Jahoiakim ghangpughang ah a kyak nak a kum thum nak ung Babilonia ghangpughang Nebukhadnezzar naw Jerusalem cu tu ne mang gaw cu koi ci.

JEREMIAH 46:2

Cun cu Egypt ung tün ci. Shin cu Egypt ghangpughang Neko ah gakap gui ah mawng ani naw a pyen ah kyak ci. Cun ah ghangpughang cu Babilonia ghangpughang Nebukhadnezzar naw, Jehoiakim Judah ghangpughang ah a kyak nak akum phli nak ung, Euphratis tuinu pei, kachemish ung a hnim ah kyak ci:

2 SHONTÄP NAK 36:4

Neko naw Joahaz ah nau Eliakim cu Judah ghangpughang ah hmoh ba neta ang ming cu Jehoiakim ah m’thawng pek ci. Joahaz cu Neko naw Egypt ah hteh püi ci.

2 SHONTÄP NAK 36:6

Babilonia Ghangpughang Nebukhadnezzar naw Judah cu tu ne, Jehoiakim pha ne, m’si gui awn khit ne Babilonia ah hteh püi ci.

JEREMIAH 1:3

Cun kawn ah Josiah ah hta Jehoiakim ghangpughang ah a kyak yah ung ani cu ng’thu püi bamä ci. Cun kawn ah Bawipa naw ani cu akda vei ng’thu püi ci, Cun cu Josiah ah hta Zedekiak a uk nak akum gha lei ät güt ung ah kyak ci. Acun ah khokum a cha hma nak ung Jerusalem chang gui cu omktu ah hteh püi gui ci gui.

JEREMIAH 32:1

Zedekiah Judah ghangpughang ah a kyak nak akum gha nak ung Bawipa naw na ng’thu püi ci, cun cu Babilonia ung Nebukhadnezzar ghangpughang ah a kyak nak akum gha lei cheit nak ah phi kyak ci.

JEREMIAH 45:1

Josiah ah hta Jehoiakim Judah ghangpughang ah a kyak nak akum phli nak ung, kei naw ka m’cu pek cu Baruk naw guk ci. Cun kawn ah kei naw ka m’thein ci,

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

JEREMIAH 7:1

Bawipa naw kei cu Judah chang gui ah ami khawihnah nak ah Taigüim m’kawt ung na tüi ci. Ani naw ana pyen nak cu acun ung hteit ne ng’düi ne, m’gäi ciah Bawipa, Israel khanpughi naw a pyen nak gui ah ng’thu cu ka ng’shäu vai ah kyak ci: “Nami ghin nak ah amawng la nami bilawh ah amawng cu nami m’thawng vai, kei naw shin ung ka ning im sak gui khai.

JEREMIAH 35:1

Josiah ah hta Jehoakim cu Judah ghangpughang ah akiak sang ung Bawipa naw na pyen nak ci,

DANIEL 2:1

Nebukhadnezzar ghangpughang ah a kyak nak a kum goi nak ung ang mang shek ci. A cun naw ani cu cäi ng’a “Sak sei kä ip hlawt ci.