JEREMIAH 24:9 - Cho Bible Common Language 2016

⁹ Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 24:9 Referans Kwoze

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 15:4

Khomdek khan ung chang avan naw ami kyihkyawk gui vai ah ka bik khai, cun cu Hezekiah ah hta Manasseh Jerusalem ung Judah ghangpughang ah a kyak sang ung abi lawh ah phäh ah kyak ci.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

1 GHANGPUGHANG GUI 9:7

Kei naw ka chang Israel gui cu kei naw ka pek gui ah khaw ungka kak plon gui khai. Kei ami na khawihnah nak vai ah kei naw ka k’bäi pyi ah shin ah Taigüim cun phi kei naw ka nawng khai. Khaw nü ung chang gui naw Israel cu gaih tu u ne päipih khai gui.

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

2 SHONTÄP NAK 7:20

ka ning pek gui ah khaw ungka ka ning k’plon gui khai, kei nami na khawihnah nak vai ah ka ap ah shin ah Taigüim cu ka nawng khai. Khaw nü ung chang gui naw ng’yo m’shaw u ne päipih khai gui.

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

EZEKIEL 26:2

Ani naw pyen ci, “Hnicim chang, “Shin cu Tire mang gaw ung chang gui naw yei ne ami m’lau ah kyak ci. Ngami cu m’lau u ne, “Jerusalem cu ng’phye pyi ci nei! Ani ah sumlei nak a huham cu ng’pyi ci nei! Ani cu keimi ah ng’längna püi vai ah kä kya ba ci nei!

EZEKIEL 25:3

Kei uktu Bawipa naw ka pyen ah ng’thu cu ami ngaih vai ah m’thein gui ä: Nangmi cu ka Taigüim alelawi law ung, Israel khaw ashetkat law ung, Judah chang gui omktu ah ami hteh law nami hmuh ung, nangmi cu nami yeikyai ci.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 44:12

Judah khaw ung pawih shüt ciah chang gui la Egypt ah hteit ne om khai ah ling ciah chang gui cu ami van ka dishum sak gui khai nei. Ngami ami van, ak zaw akdäm cu ng’tuk nak ung käwng ei ah cawi ne Egypt ah sik khai gui. Ngami cu chang ah ma ah kyih shek khai gui; chang gui naw gaih tu gui ne, ami ming cu plah taam nak ah mang khai gui.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 19:8

Kei naw shin ah kyih vai ah tuk hnim nak cu shin ah mang gaw ah khan ah ka law püi khai, a shin sun pah ci ng’nü cu cäi ne alu tum khai.

SAM 69:11

Thüi nak sui, sui ngä sei, na gaih tuk ci gui.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

EZEKIEL 5:8

Cun ah kyasei kei, uktu Bawipa naw ka ning m’thein ci, kei cu nang ah ga ah ka kyak ci. Chang pakhui gui ami van naw ami hmuh hning vai ah nang ah khan ah m’khoi cho nak cu ka gawk sak khai.

EZEKIEL 23:46

Shin cu uktu Bawipa naw a pyen nei: “Ngami kyih kyawh sak gui ne gut tep gui khai ah Chang gat gui law püi gui vä.

JEREMIAH 44:13

Kei naw Jerusalem ka m’kyuk ah mäih ah Egypt ung om ci gui cu ka m’kyuk gui khai-Cun cu ng’tuk nak, ei cawi nak la gawpyam nak awn ah kyak khai.