JEREMIAH 24:3 - Cho Bible Common Language 2016

³ Cun awn ah Bawipa naw na pyen nak ci, “Jeremiah, A i ang na hmuh? Kei naw ka m’hlan ci, “Thei gui ka hmuk ci, akni gui cu anghtei ah nik ci gui, akshe gui cu anghtei ah shek ci gui, ei vai ah kä ni aih ci.”

JEREMIAH 24:3 Referans Kwoze

AMOS 8:2

Bawipa naw, “Amos, a i ang na hmuh?” cik ci. Kei naw, “Sing theih dawn tumat” ka cik ci. Bawipa naw kei am, “Ka chang Israel gui ah phäh ah ak hnu bäih akhin cu gawk lawk ci nei. M “Kyuk nak gui vai ah mawng ung kei naw ka m’lung kä ka m’thawng ba khai.

ZEKHARIAH 4:2

“A i ang na hmuh?” cine na ng’shik ci. Kei naw, “Ghui awn pyan ah mei-im ng’düi ka hmuk ci nei ka cik ci. A khan bäih ah situi k’am om ci. Mei-im ng’düi khan ah mei-im chih om ci. Cun gui cu mei-ca chih awn ami pyan bäng bäng ah kyak ci.

AMOS 7:8

Ani naw, “Amos, a i ang na hmuh?” cine na ng’shik ci. “Nüt nak gui nei” cine ka m’hlan ci. Cun kawn ah ani naw, “Gui awn kä nüt ne cawh ah paang ah mäih ah ka chang gui ami kyak cu m’dang vai ah kei naw shin cu ka mang ci nei. M’kyuk nak gui vai ung kei naw ka m’lung kä ka m’thawng ba khai.

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

ZEKHARIAH 5:2

Khanchang naw a i ka hmuh cu na ng’shi khäta, kei naw, “Ca k’tom cu khawkhi ung yawng ci; cun cu ayun dawng m’ku, akdang dawng gha lawk ci.”

JEREMIAH 24:4

Cun ah kyasei Bawipa naw na pyen nak ci,

JEREMIAH 29:17

M’gäi ciah Bawipa naw pyen ci, Kei naw ng’tuknak, ei cawi nak la gawpyam nak cu ngami ah khan ah ka law püi ci, kei naw ngami cu ei ung kä ni ne upaih ciah thei ah mäih ah ka pyang gui khai.