JEREMIAH 24:10 - Cho Bible Common Language 2016

¹⁰ Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

JEREMIAH 24:10 Referans Kwoze

ISAIAH 51:19

Lei gai mawng goi na khan ah gawk lawk ci nei: Na khaw cu ng’tuk nak naw m’dikhong sak ci nei, na chang gui cu ei cawi ci gui nei, A u phi ning chihna tuk ci kä om ci nei.

EZEKIEL 33:27

“M’thein gui ä, kei uktu Bawipa akcang ah ghing ciah Khanpughi naw ng’thu ka k’bäi gui cu, ng’phyek ciah mang gaw gui ung om ciah chang gui cu ngawn gui vai nei. Shin ah khopäng ung om ciah chang gui cu khisa naw ei gui khai nei. Khomhtung la lungkhui ung ng’thup ciah chang gui cu gaw pyam ne sik khai gui nei.

EZEKIEL 7:15

Lam gui ung ng’tuk nak gui om ci, im gui kyong ah gawp yam nak la ei cawi nak om ci. Khopäng ah akpung ah lut lawk ci phung cu ng’tuk nak ung sik ci, mang gaw kyong ah om ci gui cu gawpyam nak la ei cawi nak ung sik khai gui.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

JEREMIAH 27:8

“Pakhui tumat mat, käcung uk nak khaw tumat mat naw ani ah uk nak cu kä a dou ah a kyak ung, Nebukhadnezzar am kä ka m’di sak yawp pha ung cun ah pakhui cu kei naw ng’tuk nak, ei cawi nak la natnak gui awn ka m’kyuk khai.

JEREMIAH 19:7

Acun ah hmun ung Judah chang gui la Jerusalem chang gui ah pawng püi avan cu kei naw ka plawh khai, kei naw ngami cu ami ga gui am ngawn sak gui ne ng’tuk nak ung ka ngawn sak gui khai. Ami pumsa gui cu kha gui la khisa gui naw ami ei vai ah ka pe gui khai.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 15:2

Ngami ahawi ami hteh vai ami ning shi law ah a kyak ung kei naw ka pyen cu m’thein gui ä: amshah gui cu nat nak awn ng’ziin ne sik khai gui. Cun cu ngami ah hteh nak vai ah kyak ci! Am shah gui cu ng’ziin u ne ng’tuk nak ung sik khai gui — Cun cu ngami ah hteh nak vai ah kyak ci! Amshah cu ei ah cawi ne sik khai gui Cun cu ngami ah hteh nak vai ah kyak ci! Amshah cu pha ne hteh püi khai gui Cun cu ngami ah hteh nak vai ah kyak ci!

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

THU PHLAAN 6:8

Kei naw teng netah, ng’se amvaw tumat cu ka hmuk ci. Cun ung ng’cum ciah ang ming cu sihnak ah kyak ci. Ani ah hnu ah m’htei khaw naw läk lawk ci. Ngami naw khomdek ah khan, k’bum phli ung kaa k’bum ät ung om ci gui cu, ng’tuk nak, khaw ah yaw nak, lei ah sou nak, ng’plouh ah kiun nak, gui awn sihnak vai ah huham cu gah ci gui.

THULÄÄN NAK 28:21

Nangmi naw nami khäm law vai ah khaw ung nangmi a u kä ak pawih ba güt gaw nak natnak tumat kawn ah tumat tüi lawk khai.

JEREMIAH 21:9

Mang gaw kyong ah k’pawih ba ciah chang phung ng’tuk nak ung ei ah cawi ne, natnak ung sik khai. Cun ung phi akpung ah hteit ne tuhbäi mang gaw tuk ci gui ah Babilonia gui ah ma ah a kut chah cicu kä ngawn khai gui; ngami cu ami hnun ghin nak läi phyawng khai.

JEREMIAH 42:17

Egypt ah hteit ne om vai ah ling ciah chang avan cu ng’tuk nak ung baw, ei cawi ne baw, gaw pyan ne baw sik khai. Tumat phi kä k’pawih ba khan, Ngami ah khan ah kei naw ka law püi ah lei gai cu tumat naw phi kä phiawn nak khai.’

1 GHANGPUGHANG GUI 14:15

Bawipa naw Israel cu m’kyuk khai, ani cu tuihta naw a pheet ah phai phung ah mäih ah ng’tum khai. Ani naw Israel chang gui cu ami pupa gui am a peit ah shin ah khaw k’ni ungka mawi gui khai, Euphratis tuinu ah hei ga ah püipiang sak gui khai. A i ah kyasei ci ung ngami naw khanpughinu Asherah ah a gup pyang ne, ani ami m’lungshe sak ah hmawk ah kyak ci.

JEREMIAH 9:15

Cun ah kya sei, kei, m’gäi ciah Bawipa, Israel Khanpughi naw ka bi law vai cu ngai vä: kei naw ka chang gui am amiei vai geit kaw akha gui la ami awk vai m’guui vai gui cu ka pe gui khai nei.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 29:17

M’gäi ciah Bawipa naw pyen ci, Kei naw ng’tuknak, ei cawi nak la gawpyam nak cu ngami ah khan ah ka law püi ci, kei naw ngami cu ei ung kä ni ne upaih ciah thei ah mäih ah ka pyang gui khai.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

JEREMIAH 32:25

Cun ung phi uk ciah Bawipa, mang gaw cu Babilonian gui naw tu ne khäm lawk cang khai gui ah kya pang sei phi saksi gui ah ma ah khaw ka thon vai ah nang naw thu nak bäi ci nei.”

JEREMIAH 42:22

Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

EZEKIEL 6:11

Uktu Bawipa nae pyen ci, “Irsael chang gui naw ami bi ah akshekha gui avan la shemshai ci gui ah phäh ah name kut teen nei, name khaw k’suh ne! azä ne kyap vä. Ngami cu ng’tuk nak ung, m’gaang ung, natnak ung sik khai gui nei.