JEREMIAH 24:1 - Cho Bible Common Language 2016

¹ Taigüim ah ma ah ami tha ah thei vawh goi cu Bawipa naw na m’hnuh ci. (Shin cu Babilonia ghangpughang Nebukhadnezzar naw Judah ghangpughang Jehoiakim ah hta Jehoiachin cu pha ne Jerusalem ah ka Babilonia ah, Judah ng’vai gui, shep pyang ci gui la bii k’bi gui mah ah a hteh püi gui kawn ah kyak ci.)

JEREMIAH 24:1 Referans Kwoze

JEREMIAH 29:2

Kei naw shin ah ca cu Ghangpughang Jehoiachin, anu, mang im bawigui, Judah la Jerusalem angvai gui, Shep pyaing ci gui, la bii bi thei ci gui, omktu ah ami hteh püi guikawn ah ka guic nei.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

ZEKHARIAH 3:1

A hei ka ng’mang ung Bawipa naw ana m’hnuh ba cu, Taigü tung Joshua cu Bawipa ah khanchang ah ma ah ng’düi ci. Joshua a pei ah ani hnungtuk püi nak vai law püi ge khai ah Satan cu ng’düi ci.

ZEKHARIAH 1:20

Cun kawn ah Bawipa naw ng’ki kawt ciah bii k’bi chang phli cu na m’hnuh ci.

AMOS 7:7

Bawipa ungka kei naw ahei ka hmu bamä ci. Ani cu paang ah pei ah ng’düi sei ka hmuk ci. Cun ah paang cu nüt gui awn nüt he ami cawh ah kyak ci. Cun ah nüt nak gui cu ani ah kut ung om ci.

AMOS 7:4

Uktu Bawipa ungka, kei naw ahei ka hmu ba mä ci. Acun ung ani naw a chang gui cu mei awn m’kyuk gui vai ne pawng sei ka hmuk ci. Mei naw khomdek ah ka ah tuinu akdäm cu ui yawp ci, khaw ng’lei cu tün ne ui lawk ci.

AMOS 7:1

Uktu Bawipa ungka kei naw tumat ka hmuk ci. Ghangpughang ah ka khu m’sai ami ah pyi cu lim law ba u khäta, ani naw khanpeh ng’hlom ät cu tui pyang sei ka hmuk ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

EZEKIEL 19:9

Ani cu m’khüp ung chum u neta. Babilonia ghangpughang ah hteh püi ci gui. Ani cu ngäng ci gui, cun ah kya sei Israel m’htung ung ani ah m’ngaw cu kä ng’yak ba nei.

2 GHANGPUGHANG GUI 24:10

Ani naw a uk sang ung Ghangpughang Nebukhadnezzar lam ma ciah Babilonian gakap gui cu kai law u ne Jerusalem cu khaai ci gui.

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 29:1

Taigü gui, prophet gui la ahei gui avan Nebukhadnezzar naw Jerusalem ah kaa pha ne Babilonia ah a hteh püi gui am ca ka ning guk law gui ci nei.

JEREMIAH 37:1

Babilonia Ghangpughang Nebukhadnezzar naw Jehoiakimah hta Jehoiachin ah hnün ung Josiah ah hta Zedekiah cu Judah ghangpughang ah hmoh ci.

JEREMIAH 13:19

Judah khaw a htum täng gaw nu gui cu ami khaai pyi nei; ngami ah a u kä hteit hlawt ci nei. Judah chang gui ami van cu omk’tu ah ami hteh püi gui nei.”

EZEKIEL 17:4

ami sumlei nak ah khaw ung law püi ne, ami awnpan nak ah mang gaw ung chah ci.