JEREMIAH 23:9 - Cho Bible Common Language 2016

⁹ Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

JEREMIAH 23:9 Referans Kwoze

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

DANIEL 8:27

Kei cu khaw hnüüp akda ung ka m’lung na sei ka gaw pai ci, Cun kawn ah kei cu tho law ne, ghangpughang ah ana bi sak ah bi cu ka bik khai ah ka hteit ci. Cun ung phi muimang ah phäh ah ka m’lung gogan sei, a i phi kä ka hmat hlawt ci.

NG’ÄI KYAH 3:15

Khak ciah yaica nak cu ei vai awk vai avan ah phäh ah ani naw ana pak ah kyak ci.

ISAIAH 51:21

Zaica ciah nang Jerusalem chang gui, Awktat ciah mäih ah kyu shüi shüi ci gui,

SAM 60:3

Nang naw na chang gui cu akni ah khüikha sak gui ci nei, keimi cu awktat ne kami ng’phiui ci nei.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

EZEKIEL 9:6

Aghipa, chang nong, hnumi nong, nunu gui, hta hmaw gui, ngawn gui vä. Cun ung phi am calai ung m’hnüt nak om cicu kä name tawn en vai. Shin ah kei ah Taigüim pei ung name tün vai.” Cun ah kyasei ngami haw Taigüim pei ah ng’düi ciah ang vai gui ung tün ci gui.

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

ISAIAH 29:9

Anglaam ne om vä! Nami mik m’dauh sei om vä! Zu kä awk en ah awktat vä! M’hteei ät phi kä aw ne ng’täng shüi shüi vä!

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 69:20

Lü ng’ä nak naw ka m’lung na thüi sak sei, kei cu di nak ung ka gawk ci. Nam gein khai ngai ngä sei kä om ci, na m’htei khai kä ka hmuk ci.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 36:16

Ani naw a phat kawn ah, ngami cäi u ne ng’teng tu u neta, Baruk cu pyen nak ci gui, “Keimi naw shin cu ghangpughang am kami m’thein khai.”

EZEKIEL 13:3

Shin cu Uktu Bawipa ah pyen nei: “Shin ah prophet shekha gui cu ng’ziin ci gui! Ami mät ung ami mät naw küü ciah ng’thu pe u ne, ami mät ah muimang cu pyang ci gui.