JEREMIAH 23:6 - Cho Bible Common Language 2016

⁶ Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

JEREMIAH 23:6 Referans Kwoze

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

JEREMIAH 33:16

Judah Chang la Jerusalem chang gui cu gun gui vai, ngami cu phiwng ne om khai gui. Cun ah mang gaw cu, “Na hunphiawn gui ciah BAWIPA” ciah khü khai gui

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”

OBADIAH 1:17

“Cun ung phi Zion m’htung ah am shah gui phyawng khai gui, cun cu theingcim ciah hmun ah kyak khai. Jakob ah chang gui naw ami gah vai ah khaw cu khäm khai gui.

HOSEA 2:18

A cunah akhin ung kei naw khisa gui la kha gui avan awn thukhän ka bik khai. Cun ah kyasei ngami naw kei ah chang gui cu kä nat sak khai gui. Kei naw khaw ungka likhim gui avan, ka heng khai — khim gui avan. Li gui avan maih khai. Ka chang gui cu dimdeeih ne phiawng htein sei ka om sak gui khai.

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

ISAIAH 35:9

A i phongkawng phi cun ung kä om khai; a i sa nget naw phi cun ah lam kä kan khai. Bawipa naw a gun gui ah chang bäng cun ah lam ung hteit ne, ami un ah hteit ba khai gui.

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

1 GHANGPUGHANG GUI 4:25

Ani a ghin ah chuih Judah la Israel gui cu phyawn m’htein ne om ci gui, ami kyong khui päng cu amät ah sapyit lo, thei ghing gui phäh phäh awn om ci gui.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

EZEKIEL 38:14

Cun ah kyasei uktu Bawipa naw ani am a pyen nak gui cu Kok am ka m’thein vai ah kei cu na tüi ci: “Tuhbäi kei ah ka chang gui, Israel gui cu ngaih gep ne ami om yah ung, nang cu tün ne

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

DANIEL 9:7

Nang Bawipa naw ak phlüt ah a hman cu na bik ci, cun ung phi keimi kami mät naw ak phlüt ah thang shet nak cu kami law püi ci. Shin cu Judea la Jerusalem ung om ci la kä ami bekhüt ah phäh ah aksho ang et khaw gui ung, nang na k’phyiit pai gui ah Israel gui avan ah phäh ah akcang ah kyak ci.

HOSEA 1:11

Judah chang gui la Israel chang gui cukawng ät ba khai gui. Ngami naw ami mät ah phäh ah ng’vaihta tumat ghü khai gui. Ngami cu ami khaw ung geit kaw u ne, bühmang ba khai gui. Ä! Jezreela ah hnüüp cu dämduh ciah hnüüp ah kyak khai!

PHYAWN NAK 9:26

Koshen khaw hmun, Israel gui ah om nak bäng ung gääi nu kä kya law tuk ci.

SAM 45:5

Na m’la gui cu ghat ci, cun gui naw na ga gui ah m’lung cu aat ci, changpakhui gui cu na kho kaa ah ng’zän ci gui.

ISAIAH 32:1

Khohnüüp ät ung bekhe ne uk ciah ghangpughang la taga khai ah uk ciah pakhui chang vai gui dang lawk khai nei.

ISAIAH 32:18

Khanpughi ah chang gui cu ng’ä ai nak phiawn nak khai gui, ami cin kyong dimdeeih ne phyawng m’hteim khai.

ISAIAH 33:5

Bawipa a i hlawk ah dämduh ci ang! Ani naw apängnü ah khan ah uk ci nei. Ani naw Jerusalem cu taga nak la bekhe nak awn besak ne,

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’