JEREMIAH 23:40 - Cho Bible Common Language 2016

⁴⁰ Kei naw ngami ah khan ah angtäi lung aa nak la thüisei nak cu ka law püi khai, cun cu kä m’hnih hlawt vai kyak khai nei.

JEREMIAH 23:40 Referans Kwoze

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

HOSEA 4:7

“Nangmi taigü gui da law pi u ne, kei na kat na ne hnungtuk ci da law pi ci.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.

EZEKIEL 16:52

Tuhbäi nang naw na mät ah lü g’aa nak cu na mät naw na gah khai. Nang ah katnak gui cu na be gui ah katnak ah ta she ka pi aih ci kyasei, nang ah pei ah ngami cu Chang ni ah mäih ah kyak ci gui. Tuhbäi na mät ah thüi ng’aa nak cu kaa na ne khan ä, ai ah kyasei ci ung nang naw na be gui theing cim ci gui ah mäih ah na ciah phäh ah kyak ci.”