JEREMIAH 23:4 - Cho Bible Common Language 2016

⁴ Nangmi ning m’htei gui khai ah uktu gui cu kei naw ka m’düih gui khai. Kei ah ka chang gui cu kä kyihkyawk ba khai gui, kä cäicat ba khai gui, kei naw kä ka m’kyuk ba gui khai. Kei, Bawipa naw ka pyen ci.”

JEREMIAH 23:4 Referans Kwoze

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

JOHAN 18:9

(Cun a ci cu, ‘Kapa, nang naw na na ap ah chang tumat phi kä dimaih khai’ a ci cu, a khüm vai ah hmawk ah kyak ci.)

JOHAN 17:12

Kei cu ngami awn kami om yah ung, nang naw na na peit ah ming, hlüngtai ciah ming awn kam htei gui ci. Kei naw ngami cu ka shungvong gui ci. Cacim ung om ciah mäih ah maih khai ah k’bäi ah chang tumat ah kawn ah tumat phi a u kä maih ci nei.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

KHEI NAK 31:49

thu amithan cu, “Saya, keimi naw kami khawngmang nak ah ka ung gakap avan kami khei ci, tumat phi kä kami m’hnih ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

TAIGÜTHUM 26:9

Kei naw hrilham ning pe gui ne nami hta akda ka ning pe gui khai; nangmi awn ka bi ah thukhän, kei täng ung ka cu, kei naw ka k’pang khai.

EZEKIEL 36:11

Kei naw chang gui la sei m’na gui cu ka da sak gui khai. Nangmi cu acau kaa ah ta nami da pi khai, nami hta nau gui phi da khai. Nangmi nami om man ah acu ah ka ning om sak ba gui khai, acau kaa ah bä pi khai ah ka ning bühmang sak gui khai. Cun ung nangmi naw kei, Bawipa ah nami na hmat khai.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ZEPHANIAH 3:13

Pawih ba ciah Israel chang gui cu, chang ah khan ah kä cheishoh khai gui, ami hleei kä pyen khai gui, kä thuvi khai gui, ngami cu bämang m’lung üp khai gui, a u phi kä kyih khai gui.”