JEREMIAH 23:36 - Cho Bible Common Language 2016

³⁶ Cun ung ngami naw ‘BAWIPA ah phuih’ ciah ng’thu cu kä mang ba khai gui nei, a i ah kyasei ci ung, tumat mat naw a pyen ba ah a kyak ung kei ah ka ng’thu cu ani ah khan ah phuih ah kyak khai ah ka bik khai nei. Chang gui ne m’gäi ciah Bawipa, ghing ciah khanpughi, ami khanpughi ah ng’thu cu m’hlat shüi ci gui nei.

JEREMIAH 23:36 Referans Kwoze

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

SAM 120:3

Chang hleeihlak gui, Khanpughi naw nangmi ah khan ah a i ang abi kaw? A i cha ah ang aning m’kyuk gui kaw?

SAM 64:8

A cun ah thu gui ah hmawk ah ani naw m’di gui khai; Ngami hmu gui ci phung naw ami lu thüng khai gui.

2 GHANGPUGHANG GUI 19:4

Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

KALATIAN 6:5

A i ah kyasei ci ung ak changsing naw amät ah phuih phäh phäh a phuih vai ah kyak ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

LUKA 19:22

Ghangpughang naw, “Nang changshe, namät ah ng’thu awn ka ning m’khoi m’chak khai. Kei cu nget ne kä ka kaa phi ka lak ah mawng, kä ka geit phi ka khäm ah mawng, cu hmat lang ne,

MATTHE 12:36

Kei naw akcang ka pyein cu, “m’khoichaa nak ah hnüüp ung chang gui cu ami ng’thu m’gawng düt düt ah hmawk ah k’cet ne ng’shi nak om khai.

ISAIAH 28:22

Kei naw ka ning pek gui ah thukbäi cu kä nami gaih en vai nei, nami gaih ah a kyak ung nami phiawn vai cu khak pi khai nei. M’gai ciah Bawipa naw khawpäng apum ah m’di khai ah akbäi cu kei naw ka ng’yak ci nei.

NG'THU K'THUUK~ 17:20

Akshe bang ngaih tuh ne ak she ah ng’thu ciah chang naw akni ka hmuk khai — leigai vah hmuk khai.

SAM 149:9

Khanpughi ah ang thumkhän ah mäih ah changpakhui gui cu m’kyuk u sä. Shin cu Khanpughi ah chang gui ah näng nak ah kyak ci nei. Haleluyah!

SAM 12:3

O Bawipa! Thuvi ciah m’lei cu dim sak ä. Khäh ghah ciah m’gawng cu bing sak ä,

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

JEREMIAH 23:37

Jeremiah, naw prophet gui ng’shi gui ci, “A i m’shan nak nei Bawipa naw aning pek? Bawipa naw a i nei a pyen?

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.