JEREMIAH 23:32 - Cho Bible Common Language 2016

³² Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JEREMIAH 23:32 Referans Kwoze

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 7:8

“Teng vä! Hleeihlak ciah thu ung nami ngaih gep ci nei.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

JEREMIAH 29:31

Shemaiah mawng shin ah ng’thu cu Babilonia ah Chang phaa gui avan nam m’khäh gui vai ah kyak ci: “Kei, Bawipa naw Shemäiah la a htangshon avan cu ka m’kyuic gui khai. Kei naw ani ning thu püi gui ci. Ani naw a hleei cu nami yum vai ah ning ci gui ci. Nangmi ah ng’lungah ani ah hta ng’shon kä om khai. Kei ne kä hmu tuk khai, a i ah kyasei ci ung ngami naw kei ami na hnungtuk vai ah ani naw m’thein gui ci. Kei, Bawipa naw ka pyen nei.”

JEREMIAH 23:25

Cun ah prophet gui ah pyen cu kei naw ka hmat gui ci nei, ngami naw kei ah ming awn ami hleei pyen u ne, ami man gung kei naw ka ng’thu ka pe gui ciah pyen ci gui.

JEREMIAH 23:16

M’gäi ciah Bawipa naw Jerusalem chang gui pyen ah gui ci, “prophet gui ah pyen cu kä nami ngaih vai; ngami naw akholä ning ngaih u sak gui ci gui. Ngami naw ami mät ah ngaih ning m’thein gui ci gui, cun cu kei ah pyen ah kä kyak ci.

ISAIAH 3:12

Ngui ng’pu ci gui naw ka chang gui kalu na gui u ne, khawh-mah gui naw shedam na gui ci gui. Ka chang gui aw, nami ng’vai gui naw lam hma ne ning hteh püi gui ci gui. Cun ah kyasei a hawi ah lam ung hteh vai kä nami hmat ci.

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

2 KORIN 1:17

Cun ah ka ngaih cu kam lung hnih ah ng’pai sei ang Cun ah ka k’bäi cu ka mät bäng ah ngaih ah kyai khai bawk ang? Atäng düt ah “ä ä, ka ka” ka ciah kyak khai ang?

JOB 13:4

Nang naw chang k’ni ah na kyak nak cu na hleei awn na shung ci; Nang cu a u phi kä m’gai hlawt ciah seibawi awn na täng ci.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

JEREMIAH 23:13

Samaria prophet gui ah katnak cu kei naw ka hmuk ci nei; ngami cu Baal ah ming ung ng’thu pyen ci gui, ka chang gui cu lam hma sak ci gui.

JEREMIAH 23:31

Ami mät ah ng’thu ei am kei ungka lawk ciah ng’thu ah pyen ci gui ah prophet gui phi kei naw ka hnungtuk gui ci nei.

NG’ÄI KYAH 3:37

Bawipa ah ang yak hlü cu angtäi sei kawh chan nei.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.