JEREMIAH 23:30 - Cho Bible Common Language 2016

³⁰ Ami mät ah ng’thu ng’lak tupe u neta, kei ah ng’thu ah pyen ne ng’shäu ciah chang gui cu kei naw ka hnungtuk gui ci nei.

JEREMIAH 23:30 Referans Kwoze

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

EZEKIEL 13:8

Cun ah kyasei uktu Bawipa naw pyen na gui ci, “Nami ng’thu gui cu pyan ah kyak ci, name muimang gui cu hleei ah kyak ci. Kei naw ka ning hnung tuk gui ci nei.

EZEKIEL 13:20

Tuhbäi shin cu Uktu Bawipa naw a pyen nei: Nangmi naw ghin nak la sih nak name k’pan nak vai ah nami mang ah kutpat nak gui cu kei naw ka thüi nak ci nei. Nami kut ung ka cun gui cu aat pit ne, nangmi naw name k’pan gui ah Chang gui cu ka m’hlawt gui khai nei.

SAM 34:16

Cun ung phi ak she bi ci gui cu hnu na gui ci, ami sih law ung phi m’hnih gui ge ci.

EZEKIEL 15:7

Ka m’kyuk gui khai. Ngami cu mei tumat phiawn nak ci gui, cung phi tuhbäi mei naw ui gui khai. Kei naw ngami ka m’kyuk law gui ung nangmi naw kei Bawipa ah ka kyak cu name hmat khai nei.

1 PETER 3:12

A i ah kyasei ci ung Bawipa naw chang k’ni chang k’veih gui cu, Ngäng gui ne, ami taigü cu ngai gui ci. Cun ung phi akshe bik ci gui cu ng’hlah ta gui ci.

JEREMIAH 44:29

Kei, Bawipa naw, shin ah hmun ung ka ning m’kyuk gui khai ci la nami khan ah dishum nak ka law püi khai cicu bä lawk khai, cicu kei naw m’khän nak ka ning pe gui khai.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

THULÄÄN NAK 29:20

Cun ah mäih chang cu Bawipa naw kä mgeinsei ci. Bawipa ah ng’hüüt ciah amlungshe nak naw anu cu hnungtuk püi ne däi ne ui khai. Cun kawn ah shin ah ca-uk ung gak ah leigai avan cu ani ah khan ah ng’kia ne, Bawipa naw ani akbe ah kä am di pha ah chuih om khai.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

TAIGÜTHUM 20:3

Chang tumat mat naw a hta tumat mat cu Molek am pe ne, khawphung theing cu kä theingthap khai ah bi ne, ka ming theing a thüisei sak ah a kyak ung, kei naw hnungtuk ne ka ng’hlah tak khai, ani cu ka chang tumat ah kä ka k’bäi ba khai.

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

JEREMIAH 23:31

Ami mät ah ng’thu ei am kei ungka lawk ciah ng’thu ah pyen ci gui ah prophet gui phi kei naw ka hnungtuk gui ci nei.