JEREMIAH 23:29 - Cho Bible Common Language 2016

²⁹ Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

JEREMIAH 23:29 Referans Kwoze

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

LUKA 24:32

Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

THU PHLAAN 11:5

Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

LAMKTU 2:3

Ngami naw mei ah pying cih k’aw cu hmuh ci gui, cun ah pying ne ng’kah ciah mei m’ghi cu tumat ciah khan ah pek ne gawk ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

HOSEA 6:5

Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.