JEREMIAH 23:28 - Cho Bible Common Language 2016

²⁸ Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

JEREMIAH 23:28 Referans Kwoze

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

NG'THU K'THUUK~ 14:5

Akcang pyen ciah saksi naw angtäi sei a cang pyen ci. Ka acang pyen ci naw a i a pyen vai ka om sei a hleei pyen ci.

1 KORIN 4:2

Cun ah changshäm ung om khai ah k’thamah nak tumat cu amät ah bawi ung ang bekhüt nak ah kyak ci.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

JEREMIAH 23:25

Cun ah prophet gui ah pyen cu kei naw ka hmat gui ci nei, ngami naw kei ah ming awn ami hleei pyen u ne, ami man gung kei naw ka ng’thu ka pe gui ciah pyen ci gui.

JEREMIAH 42:4

Kei naw m’shang gui ne, “Bä khai, Bawipa, mi khanpughi ah nami k’thäh ah mäih ah ka ning taigü pe gui khai, ani naw a pyen phung cu ka ning m’thein gui khai. A i phi nangmi am kä ka ning m’zih gui khai.” Ka cik ci.

EZEKIEL 13:3

Shin cu Uktu Bawipa ah pyen nei: “Shin ah prophet shekha gui cu ng’ziin ci gui! Ami mät ung ami mät naw küü ciah ng’thu pe u ne, ami mät ah muimang cu pyang ci gui.

1 GHANGPUGHANG GUI 22:14

Cun ung phi Mikaiah naw, “Ghing ciah Bawipa ung kei naw shai ka tak cu, ani naw ana pyen sak cun vah kei naw ka pyen khai nei!” cik ci.

1 GHANGPUGHANG GUI 22:16

Cun ung phi Ahab naw, “Bawipa ah ming ung kei ung ng’thu na pyen ung, akcang na pyen vai! Acun ah na bi vai ah kei naw a i güt ka ning pyen nak vai ang?

ISAIAH 21:10

Ka chang Israel gui aw, nangmi cu htang vui ah mäih ah ning neen gui ci gui nei, cun ung phi tuhbäi, Israel khanpughi m’gäi ciah Bawipa ung ka ng’yak ah thuni cu nangmi ung ka ng’shäu lawk ci nei.