JEREMIAH 23:24 - Cho Bible Common Language 2016

²⁴ Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

JEREMIAH 23:24 Referans Kwoze

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

SAM 139:7

Nang ungka phyawn nak vai ah kei a hawi ka hteit hlawt khai aw? Nang ah na ma ungka a hawi ka dawng hlawt khai aw?

SAM 90:8

Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

ISAIAH 29:15

Bi vai ami k’bäi Bawipa ah ma ah m’zih vai ah k’tha nak ci gui cu ng’ziin nak gah ci gui! Ngami naw ami k’bäi cu adüm ah bi neta, a u naw kä hmu gui khai abi cu a u naw bi u neta, a u naw kä hmu gui khai abi cu a u naw hmat gui khai ah ngai ci gui.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

SAM 10:11

Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.

2 SHONTÄP NAK 6:18

“Cun ung phi, O Khanpughi, khomdek khan ah hniciim chang gui ah ng’lung ah akcang ah na om hning khai ang? Khankho avan phi nang ah om nak büh vai ah kä ang shawng ah a kyak ung, kei ah cawh ah shin ah Taigüim cu a i hawkcha ah ng’shawng khai aw?

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

2 SHONTÄP NAK 2:6

Akcang ah Khanpughi ah Taigüim cu a u naw kä co hning ci, ng’shawng aih ciah khankho avan phi Khanpughi ah ng’lawk nak vai ah kä kyak ci. Kei naw Khanpughi ah ma ah tui ng’ui m’khih nak vai ah hmun ah kyak ciah Taigüim ah kawn ah a i im cu kei naw ka co hlawt khai yaw?

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

EZEKIEL 9:9

Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

JEREMIAH 49:10

Cun ung phi Esau ah htangshon gui cu kei naw ng’pyi khai ah ka ci gui khai, ami ng’thuh ba hlawt khai gui. Edom chang gui ami van m’di gui nei, tumat phi kä pawih ba ci gui nei.

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

ATÜNNAK 16:13

Hakarah cu amät ng’htau ne, “Kei na hmuk ciah Bawipa cu shin ung akcang ah ka hmuk ci nei” ci neta, ani ng’thu püi ciah Khanpughi cu ‘Elroi’ ah a ming sui ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JOB 34:21

Ani naw chang ah kho m’khan pang cu ngäng ne teng ci.

JOB 34:22

Katnak bik ci gui naw Khanpughi naw kä a hmuh gui vai ah ami ng’thuh nak vai ah ng’büh ciah hmüp khui kä om ci nei.

JEREMIAH 16:17

Kei naw ami bi phung ka hmuk ci. Kei ah kä hmuh vai ah thuh a i kä om ci; ngami ah katnak cu kei ah hmuh nak ung kä phyawng ci.

JEREMIAH 32:19

Nang naw cüi vai nak awn pawng m’htein ne m’gäi ci gui na bik ci; nang naw chang nü ah bi na hmuk ci, ami mät ah hnün thawh ah ciah nang naw na m’cü mhnah gui ci.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

SAM 139:8

Kei khan kho ah ka hteh ung, nang a cu ah na om ci; sih nak kho ah ka kyum ung phi, nang a cu ah na om ci.