JEREMIAH 23:2 - Cho Bible Common Language 2016

² Shin cu Bawipa, Israel khanpughi naw ak chang gui m’hteit htang khai gui ah uktu gui a pyen nak gui ah kyak ci: “Nangmi naw ka chang gui kä nami m’htei htang ci; nangmi naw püi pyang sak gui ne a hei ah nami k’täm gui ci. Tuhbäi shekat nak nami bi ah phäh ah ka ning m’kyuk gui khai nei.

JEREMIAH 23:2 Referans Kwoze

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

JEREMIAH 23:34

Ka chang tumat mat käcung prophet, käcung taigü tumat mat naw ‘Bawipa ah phuih’ cine a pyen ah a kyak un, kei naw ami mät la ami kyongchang gui cu ka m’kyuk khai nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

MATTHE 25:43

kei khin ah ka kyak yah ung kä nami na khin nak ci, kei ka sui vai kä a om yah ung kä nami nam sui ci, kei ka gawpai yah ung, thawng ung ka kium yah ung kä nami nam hteihtang ci,’ cine kyak na gui ci.

HOSEA 2:13

Kei na m’hnih ne Baala am tui ng’ui am khih nak ah akhin la pyülung ghui ngui sui awi ne am hni gui agawt gui ah phäh ah kei naw ani cu ka m’kyuk khai. Cun ah Bawipa naw pyen ci.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

JEREMIAH 11:22

Cun ah kyasei m’gäi ciah Bawipa naw pyen ci, “kei naw ka m’kyuk gui khai nei. Ami hta nau gui cu ei ah cawi ne sik khai gui.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 5:29

“Cun ung phi kei Bawipa naw shin gui ah phäh ah ka m’kyuk gui khai; kei naw shin ah changpakhui ah khan ah phu ka tuk khai.

JEREMIAH 5:9

Ashin gui ah phäh ah kei naw kä m’kyuk gui ne ka om khai ma, ashin ah mäih ah pakhui ah khan ah phu kä tuk ah om vai ma?

MATTHE 25:36

Kei ka sui vai kä ah om yah ung sui nami nam sui ci. Ka gawpai ung nami htei ci, thawng ung ka kium yah ung nami na teng m’kein lawk ci’ cine pyein ci.

JEREMIAH 10:21

Kei naw ka m’hlan ci, “mi ng’vai hta gui cu gu aang ci gui; ngami naw Bawipa naw lam ana m’shüm gui vai ah kä k’thäh ci gui. Acun cu ngami ah ami shum nak ah kyak ci, cun ah kya ne mi chang gui cu püi pyang ci gui.

JEREMIAH 13:17

Nangmi naw kä nami ngaih ah a kyak ung nangmi chang ah nami ng’shei ah phäh ah adüm ah ka kyap khai; Kei cu ak tung ah ka kyap khai, ka ng’phlitui cu long khai, a i ah kyasei ci ung Bawipa ah chang gui pha ne ami hteh püi gui ah phäh ah kyak ci.

JEREMIAH 13:20

Jerusalem, teng ä! Na ga gui cu a siiptäng ah ka lawk ci gui nei! Na teng khen vai ah ning ap ah chang gui, nang naw na khäh ghah nak ah chang gui cu a hawi ang?

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

EZEKIEL 34:5

A i ah kyasei ci ung htome gui ung htome shäm kä om ci, ngami cu püipiang ci gui, khisa gui naw lo ne ei gui ci gui.

ZEKHARIAH 11:16

Ka htome gui ngäng khai ah htomeshäm tumat cu ka khü ci, cun ung phi ani naw ami ngawn sheh ah htome phi kä m’htei ci, maih ci phi kä shui ci, nat nak om ci phi kä m’tui ci, gai ci phi kä tumbei ci. Cun ung phi plan pi ciah asa cu ei ci, ami khawpaw phi khing ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

ZEKHARIAH 10:3

Bawipa naw, “Ka chang gui uk gui ci gui ah a khohei chang gui ah khan ah ka m’lungshe ci, ka m’kyuk law gui khai nei. Judah chang gui cu ka chang gui, Kei, Hlüngtai ciah Bawipa naw, ka m’hteihtang gui khai. Ngami cu huham mah ciah ng’tuk nak ng’se ah kyak khai gui.