JEREMIAH 23:18 - Cho Bible Common Language 2016

¹⁸ Kei naw ka pyen ci, “Shin ah prophet gui a u naw phi Bawipa ah ng’zih ciah ngaih-tüh cu kä hmat hlawt ci nei. Ngami ungka a u naw phi kä ng’ya man ci, ani ah thu kä hmuhmat man ci, ngaih ah phi kä ngai man ci, ani ah pyen phi kä geing ne man ci.

JEREMIAH 23:18 Referans Kwoze

JEREMIAH 23:22

Ngami naw ng’zih ciah kei ah ngaih-tüh ami hmat ah a kyak vaisü ung, ka chang gui ah ma ah ka thu cu ng’shäu hning khai gui, akshe ah ami ghin nak la akshe ami bi gui cu nawng hning khai sü gui te ah kyak ci.

1 KORIN 2:16

Cacim theing ung; “Bawipa ah m’lung ngaih cu a u naw hmat ci-ang? Bawipa cu a u naw m’cumcäi hning ci-ang?” ciah om ci. Cun ung phi mikmi cu Bawi Khrih ah m’lung ngaih mi gah pyi ciah kyak ci.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

2 SHONTÄP NAK 18:23

Prophet Zedekiah naw Mikaiah ah law ne a hmai beeih neta a pyen cu, “A i ah ung ang Bawipa ah Mümcha naw kei na hteh ta ne, nang a ning thu püi?”

1 GHANGPUGHANG GUI 22:24

Cun kawn ah prophet Zedekiah naw Mikaiah ah hteit ne a hmai ung k’beeih neta, “A i yah ung nei Bawipa ah Mümcha naw kei na hteh ta neta nang a ning thu püi?” cik ci.

JOB 33:31

Tuhbäi, Joba, ka pyen cu ngai ä, Düm ah om ä, kei ka ng’htau khai nei.

JOB 21:22

Chang tumat naw ak hlüngtai ah om ne am khoicha hning ung phi Khanpughi cu m’theithang hning khai aw?