JEREMIAH 23:17 - Cho Bible Common Language 2016

¹⁷ Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 23:17 Referans Kwoze

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

AMOS 9:10

Ka chang gui ah ng’lung ungka cheishoh ci gui phung cu ng’tuk nak ung ngawn gui vai — Cun ah chang gui cu ‘Khanpughi naw, a i leigai awn phi kä na et sak gui khai, cik ciah chang gui avan ah kyak khai’ ” cik ci.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.

JEREMIAH 8:11

Ngami naw ka chang gui ah leim cu a i baw düt ah ngai ci gui. Ngami naw, avan kä khan pha mui sei, “Avan khan ci nei” cik ci gui.

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

THULÄÄN NAK 29:19

Nami cim vai vai tuhngawi shin ung, Shin ah thuuk ciah k’thäh nak gui ng’yak ciah chang a u kä om ci. A mät ah ngaih ah linglai ne kya lang ne phi, avan ani ung bä khai ah ngaih-tüh ci a u kä om ci. Acun naw chang ni, chang she, a täng ah nangmi nami van ning m’di gui khai.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

EZEKIEL 13:10

“Prophet gui naw avan bä lawk khai nei cine, ka Chang gui cu m’hleei hlak ci gui. Avan cu akchang ah kä bä lawk ci! Kei ah ka chang gui naw lung kä htek khai ah pang pyang u sei, prophet gui naw law ne thung bawk awn hluk ci gui.

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

KHEI NAK 11:20

Cha ät lüng ung nami hnga ung meh aluh law güt, nami gaw nak güt nami ei khai nei. Acun ah kya lawk khai, a i ah kyasei ci ung, nangmi naw nami ng’lung ah om ciah Bawipa cu nami hnungtuk püi ci. Egypt khaw kä kami hteh tak vai sü, cine ama ah chiu nami m’da ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

ISAIAH 57:21

Hmakak ci gui ah phäh ah phiawn nak vai kä om ci nei” cine Bawipa naw pyen ci.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.