JEREMIAH 23:15 - Cho Bible Common Language 2016

¹⁵ “Cun ah kya sei, shin cu kei, m’gäi ciah Bawipa naw Jerusalem prophet gui ah mawng ka pyen cu: kei naw ngami am ami ei vai sing kha pe gui ne, ami awk vai ng’tuui tui ka pe gui khai, a i ah kyasei ci ung ngami naw khanpughi a shekha ah mawng khaw avan ung ami gawk sak ah phäh ah kyak ci.”

JEREMIAH 23:15 Referans Kwoze

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

JEREMIAH 9:15

Cun ah kya sei, kei, m’gäi ciah Bawipa, Israel Khanpughi naw ka bi law vai cu ngai vä: kei naw ka chang gui am amiei vai geit kaw akha gui la ami awk vai m’guui vai gui cu ka pe gui khai nei.

NG’ÄI KYAH 3:15

Khak ciah yaica nak cu ei vai awk vai avan ah phäh ah ani naw ana pak ah kyak ci.

NG’ÄI KYAH 3:5

Ani naw m’lung ah nat nak khüikha nak ah thawng ung na khai shi ci.

SAM 69:21

Ei ka cawi sang ung zeeih ei na m’bei ci gui, tui ka gha sang ung ng’tuui tui na tu ci gui.

THU PHLAAN 8:11

(Cun ah aisi cu ak kha ming nak ci.) Bumthum bum ät ah tui gui cu tui kha ah ng’lat yawp ci gui. Chang khli cu cun ah tui ak kha cu aw u ne si yawp ci gui.

MATTHE 27:34

Seikha awn ami k’caw ah sapyit tui cu Bawipa Jesuh-am tu gui. Bawipa Jesuh naw, m’dep shüm netah kä awk ah nawng ci.

NG’ÄI KYAH 3:19

Ka ngaih-tüh cu ka m’neh nak ah kyak ci, a im kaa ah ka kyak nak cu m’äm akha ah kyak ci nei,

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.

JEREMIAH 14:15

Kei, Bawipa naw, cun ah prophet gui ah khan ah a i ka bi vai cu ka ning m’thein gui ci, ngami cu kä ka tüih gui, kei ah min ung thu pyen u ne, shin ah kho cu ei cawi nak la ng’tuk nak la ei cawi nak awn ka ngawn gui khai.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.