JEREMIAH 23:14 - Cho Bible Common Language 2016

¹⁴ Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

JEREMIAH 23:14 Referans Kwoze

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

EZEKIEL 22:25

Ami ng’vai gui cu phongkawng alawh vai ah khisa ah khan ah am ngaw ah mäih ah kyak ci gui. Ngami naw chang ngawn ci gui, ami ngui avan la ami khawh ami gah hning phung cu lak ci gui, chang ami ngawn gui naw hmeinu akda nawng shüt ci gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JEREMIAH 14:14

Cun ung phi Bawipa naw na m’shang ne, “Prophet gui naw kei ah min gung ami hleei pyen ci gui nei, kei naw ngami kä ka tüi gui ci, kei naw a i ng’thu kä ka k’bäi gui ci, ng’thu m’kha ät phi kä ka pyen na gui ci. Ngami naw ami pyen ah muimang cu kei ung ka lawk ciah kä kyak ci; ngami ah cängbang nak gui cu ami ngaih düt akholä ah kyak ci.

THULÄÄN NAK 32:32

Ami ga gui naw Sodom la Komorrah ah mäih ah m’shet gui ci. Ngami cu akha la am äm mah ah m’theih ciah sapyit ah mäih kyak ci gui.

ATÜNNAK 18:20

Bawipa naw Abraham am, “Sodom la Komorrah ung ami kyah m’lau nak cu däm aih ne, ami cheishoh nak da aih sei,

MATTHE 11:24

M’khoichaa nak ah kho hnüüp ung nang cu, Sodom ah mä däm pi ciah hma m’kat nak cu na gah khai nei,” cine pyein ci.

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

JEREMIAH 20:16

Cun ah chang cu Bawipa naw am gein kaa ah amdi ah mang gaw gui ah mäih ah kya sä. Ani naw kho ngawitäng ah m’neh ne ng’hlo ei nak cu ng’ya sä, kho hnüüp yah ung ng’tuk nak ah k’aw cu ng’ya sä,

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

THU PHLAAN 19:20

Khiküi la ani ah maa ung cäi aih vai m’dang ciah purofet cu pha ne chum ci gui. (Cun ah purofet she cu khiküi ah m’hnüt nak gah ci gui la ani khawihnah ci gui-am cäi aih vai m’dang gui ne, cheishoh sak gui ciah kyak ci.) Khiküi la purofet she ani nik hnih cu, yam mei ah däi ciah meidäi ung yuk shum goi ci gui.

THU PHLAAN 11:8

Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

2 PETER 2:6

Khanpughi naw Sodom la Komorrah cu mei awn m’khih ne m’di ci, cun cu kä yum ci gui ah chang khan ah gawk lawk khai ah mawng am dang nak ah kyak ci.

1 TIMOTHI 4:2

Cun cu m’si m’hling awn m’khih ah mäih ah ami m’lung ngaih sik ciah, hleeihlak ciah chang gui ah m’theithang ah kyak ci.

MALAKHI 1:1

Shin cu Malakhi naw Israel chang gui am am thein gui vai ah Bawipa naw a pek ah ng’thu ah kyak ci.

EZEKIEL 13:16

Prophet gui, Jerusalem ung avan cu bä khai nei, ci u sei phi, avan kä bä ci gui cu di ci gui nei, cine ka ning m’thein gui khai!” Uktu Bawipa naw a pyen nei.

JEREMIAH 23:17

Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 18:13

Bawipa naw pyen ci, “Shin ah mäih cu a cau kya man ne ang ci ne changpakhui päng cu ng’shi vä. Israel chang gui naw kyihkyawk vai cu bi pyi ci gui nei!

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

JEREMIAH 23:22

Ngami naw ng’zih ciah kei ah ngaih-tüh ami hmat ah a kyak vaisü ung, ka chang gui ah ma ah ka thu cu ng’shäu hning khai gui, akshe ah ami ghin nak la akshe ami bi gui cu nawng hning khai sü gui te ah kyak ci.

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

JEREMIAH 49:18

Cun gui la a pei ah gaw nu gui ami m’di law yah ung Sodom la Komorrah ah khan ah a kyak ah mäih ah Edom ah khan ah kya lawk khai nei. Cun ung a ngawi ah phi a u kä om ba khai nei. Kei, Bawipa naw ka pyen nei.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

HOSEA 6:10

Israel khaw ung kyihkyawk vai kyak ci cu, kei naw ka hmuk ci. Ka chang gui naw agup khawihnah u neami mät naw ami mät lelawi sak ci gui.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

ZEKHARIAH 13:2

Cun ah khin ung kei naw khaw ung agup gui avan cu ka k’heng yawp khai, ngami cu a u naw phi kä shüm ba gui khai. Prophet ah kyak ciah pyen ci gui la agup khawihnah nak hlü gui cu kei naw ka k’täm khai.

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

ATÜNNAK 19:25

Mang gaw goi la khaw ng’nawi avan, pigaw ung chang avan, la m’dek ung phung ghing ci phung avan di yawp ci.

JEREMIAH 29:21

“M’gäi ciah Bawipa, Israel Khanpughi naw Kolaiah ah hta Ahab la maaseiah ah hta Zedekiah ah mawng cu pyen ci, ngami naw kei ah min ung ami hleei ning m’thein gui ci gui. Ani naw pyen ci, Babilonia Ghangpughang Nebukhadnezzar ah huham ung ani naw ngami wap gui khai, ani naw ngami cu nami hmuh ah sih nak pe gui khai.

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.