JEREMIAH 23:13 - Cho Bible Common Language 2016

¹³ Samaria prophet gui ah katnak cu kei naw ka hmuk ci nei; ngami cu Baal ah ming ung ng’thu pyen ci gui, ka chang gui cu lam hma sak ci gui.

JEREMIAH 23:13 Referans Kwoze

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

2 SHONTÄP NAK 33:9

A chang gui shin ah khaw ung ami law yah ung Bawipa naw aktäm gui ah changpakhui gui ah bi ah katank ah tah däm pi khai ah katnak bik khai gui ah Manasseh naw Judah chang gui cu lam shüm gui ci.

1 GHANGPUGHANG GUI 18:40

Elijah naw ng’thu k’bäi ne, “Baala prophet gui cu k’pang gui vä; tumat phi kä k’phyawn en vä!” Chang gui naw ngami cu ami van pha gui ci gui, Elijah naw Tuinu Kishon ah hteh püi gui neta ngawn gui ci.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

HOSEA 4:11

Bawipa naw pyen ci, “Yu phyim la yu k’thai ami awk naw kei ah ka chang gui ah cüivai nak cu gut gui ci nei!

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

MIKHAH 1:5

Israel chang gui cheishoh u ne, Khanpughi ami hnungtuk püi ah phäh ah shin gui cu akcang ah kia lawk khai nei. Israel ah hnungtuk nak ung m’kyuk vai cu a u ang? Samaria mang gaw amät nei. Judah khaw ung chei cicu a u ang? Jerusalem amät nei.