JEREMIAH 23:12 - Cho Bible Common Language 2016

¹² Ngami naw ami hteh nak ah lam cu plai ne hmüp khai; kei naw ngami cu ng’vawn ne ka kiuk sak gui khai. Kei naw ngami ah khan ah leigai ka law püi khai; ngami m’kyuk nak gui vai ah akhin cu gawk lawk ci nei. Kei Bawipa naw ka pyen nei.

JEREMIAH 23:12 Referans Kwoze

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JEREMIAH 11:23

Anathoth chang gui ah khan ah leigai ka law püi nak vai ah a khin cu kei naw ka k’bäi pyi ci nei, cun ah khin a gawk law ung ngami ung ka a u kä k’pawih khai nei.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

SAM 35:6

Bawipa ah khanchang naw gawt ne aktäm gui yah ung, ami lam cu hmüp ne ng’nawk sä!

JOHAN 12:35

Bawipa Jesuh naw, “Akdei cu nangmi ung a shäng hta nei om ba khai. Kho hmüp naw kä a ning küp gui vai ah akdei ah om yah ung hteit hton vä; hmüp khui ung hteit hton ci naw ani ahawi lam a hteh ah kä hmat ci nei.

ISAIAH 8:22

Ngami naw m’dek teng khai gui, cun ung phi a i kä hmuk khai gui, yaica nak la mü hmüp nak bäng ah kyak khai, kyih kyawk vai ah mü hmüpnak cu.

SAM 73:18

Nang naw ngami cu ng’nai ung m’hluh gui ne di nak ung nak chah gui ci!

PHYAWN NAK 32:34

Tuhbäi hteit ä, kei naw ka ning m’cäi nak ah hmun ung chang gui cu khah püi gui ä. Ka khanchang gui naw lam ning m’shüm khai nei. Cun ung phi shin ah chang gui ami kat ah phäh ah ka m’kyuk nak gui vai ah a khin cu gawk lawk ci nei” cik ci.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

JOB 18:18

Ani cu ghin nak ah kho ungka naw k’täm khai gui. Akdei nak ungka naw a hmüp nak ah k’täm khai guii.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

SAM 82:5

“Nangmi cu a i hlawk ah nami awng, a i hlawk ah nami ang ci ang! Nangmi cu nami di yawp ci, Düng nak cu khomdek khan ung ng’kawn ne maih pyi ci.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.