JEREMIAH 23:11 - Cho Bible Common Language 2016

¹¹ Bawipa naw pyen ci, “Prophet gui la taigü gui cu khanpughi kaa ah om ci gui; Taigüim kyong ah ngami naw akshe bi u sei ka hmu gui ci.

JEREMIAH 23:11 Referans Kwoze

ZEPHANIAH 3:4

Prophet gui cu a i kä bik ci gui, hleeihlak ci gui, taigü gui naw thu theing cu m’shet u ne, Khanpughi ah thukhän cu amimät ah ng’thu awn k’caw ci gui.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

EZEKIEL 23:39

Ngami naw kei ah ka hta gui ngawn ne agup gui ami khawihnah nak ah hnüüp ba ung, ngami cu my lai gü Im ah law ne lelawi sak ci gui!

JEREMIAH 32:34

Ngami naw kei na khawihnah nak vai ah cawh ah Taigüim ung m’shem shai ciah a gup gui cu tha ci gui, Taigüim cu lelawi sak ci gui.

EZEKIEL 8:16

Cun ah kyasei ani naw Taigüim ah akyong täng ah na hteh püi ci. Cun ung pum im kyong ah valuh nak, sankiang la vailang ah ani ng’lak ung Chang m’ku lei hma om ic gui, Ngami naw pum nak cu hnu na u ne, ak kyang täng ah kawp u ne, khohni pyu cu khawthnah ci gui.

JEREMIAH 11:15

Bawipa naw pyen ci, “Kei naw ka m’hni ah chang gui naw akshekha cu bik ci gui nei. Kei ah Taigüim ung ngami ami Om nak hning vai ngami ung a i om khai aw? Ngami naw shaitak nak la seime awn khawihnah douthak nak awn leigai cu shung shet hlawt vai ah ngai u ne ang? A cun naw zeikia sak gui khai ang?

JEREMIAH 8:10

Cun ah kyasei ami lolai gui cu kaanak ciah ak thai gui am pe gui ne, ami chu gui cu ahei pami gui am ka pe gui khai. Akdämduh ak zawken chang nü naw kä ng’düng nak awn ngui gah vai ah k’tha nak ci gui. Prophet gui la taigü gui naw phi chang gui m’hleei gui ci gui.

JEREMIAH 7:30

“Judah chang gui naw akshe bik ci gui nei. Ngami naw kei naw ka thüi nak ah a gup gui cu ka Taigüim ung tha u ne, Cun cu lelawi sak ci gui nei.

2 SHONTÄP NAK 36:14

Cun kawn ah Judah ng’vai gui, taigü gui la chang gui naw ami peileng ah chang pakhui gui ah katnak om ih cu läk u ne, a gup khawihnah u ne Bawipa naw a theingcim sak Taigüim cu lelawi sak ci.

EZEKIEL 8:11

A cun ung Israel gui ah ami ng’vai gui Chih kip om ci gui, Shaphan ah hta Jaazaniah mah ah kyak ci. A Chang sing naw tui ng’ui m’khih nak ah khawk cu kawt ci gui, tui ng’ui cu mei ah khu ci.

EZEKIEL 7:20

Azan läi kyom ciah ami pyü lung awn khähghah man ci gui te, cun ung phi ngami naw cun gui cu shemshai ciah a gup gui pyan nak ung mang ci gui. Cun ah kyasei Bawipa naw ami khawh cu ami mät ng’nawk sak gui khai ah bik ci.

JEREMIAH 23:15

“Cun ah kya sei, shin cu kei, m’gäi ciah Bawipa naw Jerusalem prophet gui ah mawng ka pyen cu: kei naw ngami am ami ei vai sing kha pe gui ne, ami awk vai ng’tuui tui ka pe gui khai, a i ah kyasei ci ung ngami naw khanpughi a shekha ah mawng khaw avan ung ami gawk sak ah phäh ah kyak ci.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

2 SHONTÄP NAK 33:7

Ani naw Taigüim kyong ah a gup tha ci, cun cu Khanpughi naw David la a hta Solomon am shikcha ah a pyen nak ah hmun ah kyak ci: “Israel pakhui gha lei goi ah khopäng avan ungka, kei na khawihnah nak vai ah hmun ah kei naw ka ghü cu shin ah Jerusalem, shin ah Taigüim ah kyak ci.

2 SHONTÄP NAK 33:5

Taigüim ah akyong düm hnih ung aisi gui khawihnah nak vai ah sonkiang gui phi co ci.

JEREMIAH 50:6

“Kei ah chang gui cu Khomhtung khanah htoshäm naw a maih sak gui ah htome ah mäih ah kyak ci gui. Ngami cu khomhtung tumat ungka naw tumat un glum ciah htome ah mäih ah kyak ci gui, ngami naw ami im a hawi om cicu m’hnin ci gui.

NG’ÄI KYAH 2:20

Teng ä, Bawipa, a i ah kyasei shin ah mäih ah na na m’kyuk gui ang? Hnumi gui naw ami m’hni gui ah ami hta gui ah pumsa gui cu ei ci gui nei. Taigü la prophet gui cu taigü im mät ung ngawn gui ci gui nei.

EZRA 10:18

Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

EZEKIEL 44:10

Bawipa naw na pyen nak ci, “K’pawih ba ciah Israel chang gui awn atäng ah kei na nawng ne, agup gui khawihnah ci gui ah Levit gui cu kei naw ka m’kyuk gui ci nei.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.