JEREMIAH 22:5 - Cho Bible Common Language 2016

⁵ Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 22:5 Referans Kwoze

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

HEBRU 6:13

Khanpughi naw Abraham am shaitaak nak a peit yah ung a shaitaak bä bä ah bik khai ah ng’phyun ci. Cun ung amät ah hlüngtai pi ci a u kä om ci kyasei, amät ah ming awn ng’phyun ne pyein ci.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

ATÜNNAK 22:16

“Ka mät ah ming awn thukhän ka bik ci — Bawipa naw pyen ci — na htapa ah kä ng’vang ne, na na pek ah phäh ah aküikyang ah hriham ka ning pek khai.

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

HEBRU 3:18

Khanpughi naw shaita ne ak phyun nak gui ung, “Häi ne düm nak vai ah kei naw ka peit gui ah kholei ung, ngami cu a ngawi ah phi kä lut tuk khai gui,” a ci nak gui cu a u gui ang? A ni ng’küükneet püi ciah chang gui a pyein ah kä kya ne ang?

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

SAM 95:11

Kei naw m’lungshe neta, küikyang ciah ka shaitak cu: ‘Nami ng’düm nak vai ah ka ning pek gui ah kho ung, nangmi kä nami lut phung khai nei’” ciah kyak ci.

2 SHONTÄP NAK 7:22

Chang gui naw m’hlan ba u ne, “A i ah kyasei shin ah a kyak ci ung ngami naw ami pupa gui Egypt khaw ah ka law püi ba gui ci Bawipa ami Khanpughi ami nawng ah phäh ah kyak ci. Ngami cu a hei khanpughi ung ng’coi ng’pa u ne, khawihnah ci gui. Cun ah kyasei Bawipa naw ngami ah khan ah leigai a law püi ah kyak ci” cik khai gui.

2 SHONTÄP NAK 7:19

Cun ung phi nang la na chang gui naw ka ning pek gui ah thukhän gui la thumkhän gui cu angtäi sei kä läk u ne, a hei khanpughi gui ami khawihnah ah a kyak ung,

MATTHE 23:38

Cun ah kyasei na pum im cu Khanpughi naw nawng sei, im ghawng ah kia lawk khai nei.

JEREMIAH 26:4

Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

JEREMIAH 44:26

Cun ung phi, kei, Bawipa naw m’gäi ciah ka ming awn Egypt ah om ciah Israel gui a van ka pek cu tuhbäi ngai vä: Shin ah ng’thu pyen ne shaikhän nak ung, nangmi ung ka a u am phi ka ming cu kä ka mang ba sak khai, “kei cu ghing ne uk ciah Bawipa ung ka ng’taam ci nei.”

2 SHONTÄP NAK 7:21

“Tuhbäi Taigüim cu akdämduh ah mi m’tamkhah ci, Cun ung phi shin sun pah ciah chang nü cu cäi u neta,” A i ah kyasei Bawipa naw shin ah khaw la shin ah Taigüim ah khan ah shin ah abi ang?” cine ng’shik khai gui.

JEREMIAH 12:7

Bawipa naw pyen ci, “kei naw Israel cu ka nawng ci nei; kei naw ka ghü ah pakhui cu ka hnungtuk püi ci nei. Kei naw ka m’hni gui ah ka chang gui cu, ami ga gui ah huham ung ka pe gui ci nei.