JEREMIAH 22:26 - Cho Bible Common Language 2016

²⁶ Kei naw nang la na nu cu omktu khaw ah ka nung k’täm lawk khai. Nangmi cu kä nami ng’tüi nak ah nami hteit lawk khai, nami van acu ah nami sik khai.

JEREMIAH 22:26 Referans Kwoze

2 GHANGPUGHANG GUI 24:15

Nebukhadnezzar naw Jehoiachin cu pha ne Babilon ah hteh püi ci, Jehoiachin ah anu, akchu gui, a bawi gui, Judah ung tängpang ci gui avan cu hteh püi gui ci.

ISAIAH 22:17

Nang cu aküikyang ah na kya ei khai, cun ung phi Bawipa naw ning kaih hlit ne ning ghawt khai nei.

2 GHANGPUGHANG GUI 24:8

Jehoiachin cu Judah ghangpughang ah a kyak law yah ung akho kum gha lei cheit ah kyak ci, ani naw Jerusalem ung om ne, cha thum ung uk ci. Ani ah anu cu Jerusalem ungka, Elnathan ah hta Nehushta ah kyak ci.

JEREMIAH 10:18

Bawipa naw shin ah kaw ungka ning k’täm law gui khai nei. Nangmi ungka tumat phi kä k’pawih khai ah ani naw ning deng gui khai nei. Bawipa ah thu pyen ah kyak ci nei.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

JEREMIAH 16:13

Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

JEREMIAH 22:27

Nangmi naw shin ah khaw cu nami hmu ba hlük khai, cun ung phi nangmi kä nami law bap hung khai.”

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 29:2

Kei naw shin ah ca cu Ghangpughang Jehoiachin, anu, mang im bawigui, Judah la Jerusalem angvai gui, Shep pyaing ci gui, la bii bi thei ci gui, omktu ah ami hteh püi guikawn ah ka guic nei.

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

2 GHANGPUGHANG GUI 25:27

Evilmerodak cu Babilonia ghangpughang ah a kyak law kum, ani naw Judah ghangpughang Jehoiachin cu thawng ungka luat sak ne amgein nak cu m’dang ci. Cun cu Jehoiachin thawng ung a kyum nak khokum a thumkip lei chih nak, a cha gha lei goi nak ah a hnüüp m’ku lei chih nak ung cun ah kya lawk ci.

2 GHANGPUGHANG GUI 25:29

Cun ah kyasei Jehoiachin cu thawng ung a suisak ng’thon ba sak u ne, a ghin ah chuih ghanpughang awn vun ne a täng ah ei tu sak ci gui.

2 GHANGPUGHANG GUI 25:30

A hnüüp tä sei, ani a ghin ah chuih, angyak hlü ah amang vai phi pe tak ci gui.