JEREMIAH 22:24 - Cho Bible Common Language 2016

²⁴ Bawipa naw ghangpughang Jehoiachin Judah ghangpughang cu pyen nak ci, “Kei cu ghing ciah khanpughi akcang ah ka kyak ah mäih ah nang ka k’pat täng ung ka naak ah m’hnüt ah kut cüp ah na kyak ung phi, kei naw ka nang cu ning suut ne

JEREMIAH 22:24 Referans Kwoze

JEREMIAH 37:1

Babilonia Ghangpughang Nebukhadnezzar naw Jehoiakimah hta Jehoiachin ah hnün ung Josiah ah hta Zedekiah cu Judah ghangpughang ah hmoh ci.

SOLOMON NG’Ä~ 8:6

Kei ah kawn ah chang päng ung na m’lung na khai vai; kei ah kawn ah a u phi na kut awn kä na k’pan vai. M’hni nak cu sih nak hlawk ah a huham om ci; M’hni nak aih cu sih nak ah mäih ah ghaat ci. A cun naw mei m’lei ah ng’tawn ne, mei k’law ah mäih ah ui thei ci.

1 SHONTÄP NAK 3:16

Jehoiakim ung a htapa hnih om ci: Jehoiachin la Zedekiah ah kya ci.

HAKKAI 2:23

A cu hnüüp ung Zerubbabel, ka chang shäm, nang cu ning la ne, ka ming awn uktu ah ka ning m’tüih khai, nang cu ka ning ghü pyi ci nei” cine hlüngtai ciah Bawipa naw pyen ci.

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

2 GHANGPUGHANG GUI 24:12

Ghangpughang Jehoiachin, anu, a hta gui, a bawi gui la mang im ung bawi gui ami van cu Babilonian gui ah ka ah ng’dawkphah ci gui. A uknak a kum cheit nak ung Nebukhadnezzar naw Jehoiachin cu thawng ung chum ci,

2 GHANGPUGHANG GUI 24:15

Nebukhadnezzar naw Jehoiachin cu pha ne Babilon ah hteh püi ci, Jehoiachin ah anu, akchu gui, a bawi gui, Judah ung tängpang ci gui avan cu hteh püi gui ci.

2 SHONTÄP NAK 36:9

Jehoiachin Judah ghangpughang ah a kyak law yah ung akho kum gha lei cheit lawk ci, ani naw Jerusalem ung om ne cha thum la hnüüp gha ung uk ci. Ani naw phi Bawipa hnungtuk püi ne katnak bik ci.

ISAIAH 49:16

Jerusalem aw, kei naw kä ka ning m’hnih hlawt ci nei! Nang ah ming cu kei naw ka m’ya ung ka gui ci nei,

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 29:2

Kei naw shin ah ca cu Ghangpughang Jehoiachin, anu, mang im bawigui, Judah la Jerusalem angvai gui, Shep pyaing ci gui, la bii bi thei ci gui, omktu ah ami hteh püi guikawn ah ka guic nei.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

JEREMIAH 24:1

Taigüim ah ma ah ami tha ah thei vawh goi cu Bawipa naw na m’hnuh ci. (Shin cu Babilonia ghangpughang Nebukhadnezzar naw Judah ghangpughang Jehoiakim ah hta Jehoiachin cu pha ne Jerusalem ah ka Babilonia ah, Judah ng’vai gui, shep pyang ci gui la bii k’bi gui mah ah a hteh püi gui kawn ah kyak ci.)