JEREMIAH 22:23 - Cho Bible Common Language 2016

²³ Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 22:23 Referans Kwoze

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

HABAKKUK 2:9

Nangmi nami ng’yiin ci! kyawi m’sa u ne nami kyong khui nami bühmang sak ci. Nami mät ah kyong bäng ng’ä ai nak la kyihkyawk nak ung a phyawn vai ah nami tha nak ci.

OBADIAH 1:4

Na im cu hmu kiung ah ng’bu ah mäih ah hlüng khai ah na cawh ung phi, cun naw aisi gui a han pha ung phi, kei naw ka ning buh tawn khai nei.

AMOS 9:2

Sih nak khaw ah ami lam ami cawh ung phi, kei naw ka pha gui khai. Khankho ah ami hang kai ung phi, ka yuk cha law ba gui khai.

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 48:28

“Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

JEREMIAH 21:13

Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

JEREMIAH 3:21

Khomhtung khan ung k’aw tumat ng’yak nei; cun cu Israel chang gui ah ami kyah la ami ng’pa nak kyak ci, a i ah kyasei ci ung ngami cu katnak ung ghing om ne, Bawipa ami khanpughi ami m’hnih ah phäh ah kyak ci.

KHEI NAK 24:21

Ang muimang ung ani naw Kenit gui cu hmu gui neta, shin ah ng’cängbang nak cu ng’shäu ci: “Nami om nak ah hmun cu ng’geing ci nei, Lungkpang ak hlüng ung kha ng’bu ah mäih ah ngaih gep ci nei.

EZEKIEL 17:3

Kei, uktu Bawipa naw a i ka pyen nak gui cu hmat sak gui ä: Hnü ät ung angphia däm ne ng’shawng ne a mu gui kyom ciah zongzung khanu om ci. Ani cu Lebanon khomhtung ah zong neta, cedar-sing ah am dawng cu tüp ne