JEREMIAH 22:22 - Cho Bible Common Language 2016

²² Nami ng’vaihta gui cu khokhi naw zon gui khai, nami khawt püi gui cu ng’tuk nak ung pha ne chumne hteh püi gui khai gui; Nami ah mang gaw cu a thangshe sei thui ng’aa khai a i ah kyasei ci ung nangmi naw akshe nami bi gui avan ah phäh ah kyak ci.

JEREMIAH 22:22 Referans Kwoze

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

JEREMIAH 10:21

Kei naw ka m’hlan ci, “mi ng’vai hta gui cu gu aang ci gui; ngami naw Bawipa naw lam ana m’shüm gui vai ah kä k’thäh ci gui. Acun cu ngami ah ami shum nak ah kyak ci, cun ah kya ne mi chang gui cu püi pyang ci gui.

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

HOSEA 4:19

Ngami cu khokhi ah yon ah mäih ah kyak khai gui, khogam ami khawihnah ah phäh ah thui ng’aa khai gui.

JEREMIAH 2:37

Nangmi cu Egypt ng’hlah ta u ne, lung aa nak awn nami lu nami m’awh khai. Nangmi naw nami ngaih gep gui cu kei naw ka hnungtuk gui ci; nangmi naw ngami ung nami gah vai a i kä om khai.”

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

ISAIAH 65:13

Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.

JEREMIAH 4:30

Jerusalem, nang cu na ng’ziin ci! A i ah kyasei nang naw asen na sui ang? A i ah kyasei pyülung gui sui awi ne, nami mik phi nami cüi che ang? Nang naw akholä ah phäh ah na mät naw na mät na kyom sak ci nei! Na m’hni gui ah chang naw ning hnungtuk püi ne, ning ngawn hlük ci gui nei.

JEREMIAH 5:13

Ngami naw ami pyen cu, prophet gui cu a kholä nei, ngami cu khokhi nei, ngami ung Bawipa ah ng’thu kä om ci nei. Bawipa m’gäi ciah Khanpughi naw kei na pyen nak ci.” Jeremiah, shin na chang gui naw shin na müih ah ng’thu ami pyen na phäh ah nang ah m’gawn ung kei ah ka ng’thu cu mei ah mäih ah ka pyang khai nei. Chang gui cu sing ah mäih ah kyak khai gui, ngami cu mei naw ui gui yawp khai.”

JEREMIAH 7:19

Cun ung phi akcang ah ami natsak cu kei ah kä kya ne ang? Ka nei! Ngami naw ami mät naw ami mät natsak u ne, ami mät ah khan ah lü ng’aa nak law püi ci gui nei.

JEREMIAH 30:14

Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.