JEREMIAH 22:21 - Cho Bible Common Language 2016

²¹ Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 22:21 Referans Kwoze

JEREMIAH 32:30

Israel chang gui la Judah chang gui ah ami shonlam ava tüi nak ge ung tün ne ngami naw kü na yei na u ne, ami bilawh gui awn kei cu nam lungshe sak ci gui.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

EZEKIEL 20:8

Cun ung phi ngami naw nak chüm u ne, ami na ngaih vai ah mak ci gui. Ngami naw shemshai ciah ami gup gui cu kä ghawt ci gui, Egypt khanpughi gui cu kä chah ci gui. Ngami naw aca Egypt ah ka m’lung she nak akbe ah ka gah sak gui ge khai ah ka kyak ci nei.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 6:16

Bawipa naw a chang gui pyen ah gui ci, “Lam kyum gui ung ng’düi neta teng vä. Cau lam phyim gui la lam akni pi a hawi a om cu ng’shi gui vä. A cun ung hteit vä, dim deeih nak awn nami om khai.” Cun ung phi ngami naw, “Kaa, kä ka mi hteit khai!” cine pyen ba ci gui.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

2 SHONTÄP NAK 33:10

Bawipa naw Manasseh la a chang gui cu thukbäi gui sei phi ngami naw ma u ne, kä ngai ci gui.

THULÄÄN NAK 31:27

Ngami a i hlawk ah linglai ne küknet ci gui ah kei naw ka hmat gui ci. Ngami naw kei ka ghin yah ung Bawipa cu hnu ng’tuk ne küknet püi ci gui, kei ka sih kawn ah ngami naw küknet law pi khai gui.

THULÄÄN NAK 9:24

Kei naw ka ning hmat gui ge ung Bawipa cu nami hnungtuk püi ci.

THULÄÄN NAK 9:7

“Bung ah Bawipa nami Khanpughi m’lungshe khai ah a i hawkcha ah nami bi cu kä nami m’hnih vai. Egypt khaw nami hteh tak ah hnüüp ung tün ne a shin ung nami gawk law nak ah hnüüp ung khüt sei, nangmi naw ani cu nami hnungtuk püi ci.

SAM 129:1

Israel gui, nami ga gui naw nami hmaw yah ng tün ne a i hlawk ah ami ning dukdeiu nak gui cu pyen vä,

JEREMIAH 3:24

Cun ung phi Baala, lümg aa nak ah khanpughi khawihnah nak naw cau pui tün ne kami pupa gui naw ami bilawh law gui nü-htome nak, seipat mak gui, hta pami, hta hnumi gui avan shum sak yawp ci nei.

JEREMIAH 13:10

Shin ah chang shekha gui naw kei ami na ngaih vai ah mak ci gui. Ngami cu ak phlüt ah ami m’lung ling sei shekhak ci gui, ahei khanpughi gui khawihnah u ne, acun ah bii bik ci gui. Cun ah kyasei ngami cu kä ni ba ciah sui aktawi ah mäih ah kyak ci gui.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 48:11

Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

ZEKHARIAH 7:7

Shin cu om law htük ciah prophet gui ung Bawipa naw ng’thu a pyen ah kyak ci. Cun cu Jerusalem a bämang yah ung, chang gui ami kümbe yah la chang gui akda cu Mang gaw pei ah gawnu gui bäng ah kä kya ne, a htum lam la akhei lam khaw ng’nawi ung ami om yah ung ah kyak ci.

JEREMIAH 2:25

Israel, ahei khanpughi gui na gawt nak awn na khaw kä na plui sak vai. Cun ung phi nang naw na pyen ci, “Ka nei! Kä ka ng’hlat law ba khai. Kei naw akho hei khanpughi gui ka m’hni gui ci, ngami ah hnu ah ka hteit khai.”

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

JEREMIAH 25:7

Cun ung phi ani nami ngaih vai ah nami maa ah pyen ne ani amät naw pyen ci, cun nak vaisü ung agup gui awn ani cu m’lungshe sak u ne, nami khan ah ani ah m’kyuk nak cu nami mät naw nami law püi ci.

JEREMIAH 25:8

“Cun ah kya sei, nangmi naw kä nami ngaih ah phäh ah m’gäi ciah Bawipa naw pyen ci,

ZEPHANIAH 3:2

Bawipa ah ng’thu kä ngai ne am cäi kä dou ci. Bawipa cu kä ngaih u ci, am htei vai ah kä ng’zoi thäh ci.