JEREMIAH 22:20 - Cho Bible Common Language 2016

²⁰ Jerusalem chang gui, Lebanon ah hteit ne m’lau vä, Bashan khaw ah hteit ne kyap vä; Moab m’htung ung ka naw ng’khü vä, a i ah kyasei ci ung nami khawt püi gui avan cu hnim gui ci gui nei.

JEREMIAH 22:20 Referans Kwoze

KHEI NAK 27:12

Bawipa naw Moses pyen nak ci, Abarim M’htung gui ah hang kai neta, kei naw Israel gui am ka pek ah khaw cu dan ä.

EZEKIEL 23:22

“Tuhbäi, Oholibah, shin cu kei, uktu Bawipa naw ka ning pyen nak nei. Nang cu cän na na m’hni gui awn na yai pyi ci, cun ung phi ngami naw ning m’lungshe na u ne, ning khaai khai gui ah ka law püi gui khai.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

EZEKIEL 23:9

Cun ah kyasei kei naw ani cu, ang yak hlü gui aih ah Assiria am hni gui am ka ap ci.

NG’ÄI KYAH 1:19

Kei naw ka khawt püi gui cu ka khü ci, Cun ung phi kei na m’hteihtang vai ah ngami mak ci gui. Taigü gui la ang vaihta gui cu mang gaw lam gui ung sik ci gui. Amät ah hnun ami m’ghin nak vai ah ei cu shui yap ci gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 22:22

Nami ng’vaihta gui cu khokhi naw zon gui khai, nami khawt püi gui cu ng’tuk nak ung pha ne chumne hteh püi gui khai gui; Nami ah mang gaw cu a thangshe sei thui ng’aa khai a i ah kyasei ci ung nangmi naw akshe nami bi gui avan ah phäh ah kyak ci.

JEREMIAH 4:30

Jerusalem, nang cu na ng’ziin ci! A i ah kyasei nang naw asen na sui ang? A i ah kyasei pyülung gui sui awi ne, nami mik phi nami cüi che ang? Nang naw akholä ah phäh ah na mät naw na mät na kyom sak ci nei! Na m’hni gui ah chang naw ning hnungtuk püi ne, ning ngawn hlük ci gui nei.

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

2 GHANGPUGHANG GUI 24:7

Egypt ghangpughang la a gakap gui cu Egypt ah akpung ah hteit ne ng’tuk kä bi ba ci gui, a i ah kyasei ci ung Egypt ah khopäng Euphratis ungka naw a siiptäng Egypt khogii ung khüt ci avan cu Babilonian ghangpughang naw a kut shum ah kyak ci.

THULÄÄN NAK 32:49

“Moab khaw, Abarim htung ah hteit ä, Cun cu Jerikho mang gaw awn ng’ga dang ci. Nebo M’htung ah hang kai neta, Kei naw Israel chang gui am ka pek law gui vai ah Kanaan khaw cu na dan vai.

ISAIAH 57:13

M’htei htang vai ah nami kyah law ung, shin ah nami agup gui naw ning hun gui u sä? Ngami cu kho hnü ät akhi ah a kyak ung a cun naw zon gui khai nei! Cun ung phi kei ng’ap ciah chang läi cu shin ah kho ung om khai nei, ani naw kei cu ka Taigüim ung na khawihnak khai nei.”

JEREMIAH 2:25

Israel, ahei khanpughi gui na gawt nak awn na khaw kä na plui sak vai. Cun ung phi nang naw na pyen ci, “Ka nei! Kä ka ng’hlat law ba khai. Kei naw akho hei khanpughi gui ka m’hni gui ci, ngami ah hnu ah ka hteit khai.”

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

EZEKIEL 27:6

Ngami naw Bashan ah ka he-sing gui cu la ne hlaw k’plei nak ah pyang ci gui; Ngami naw nang ah ngoh phah gui cu Saiprus ah ka m’htai awn pyang u ne m’vui ha gui awn cüiche ci gui.

JEREMIAH 2:37

Nangmi cu Egypt ng’hlah ta u ne, lung aa nak awn nami lu nami m’awh khai. Nangmi naw nami ngaih gep gui cu kei naw ka hnungtuk gui ci; nangmi naw ngami ung nami gah vai a i kä om khai.”