JEREMIAH 22:19 - Cho Bible Common Language 2016

¹⁹ Ng’sela asih ung ami ciah mäih ah ani cu saw ne hteh püi ne, Jerusalem m’kawt ah akpung ah ghawt khai gui nei.

JEREMIAH 22:19 Referans Kwoze

JEREMIAH 36:30

Cun ah kya sei, tuhbäi kei, Bawipa naw nang ka ning pyen nak ci, ghangpughang Jehoiakim, nang ah htangshon a u naw phi David ah uknak khaw cu kä uk khai nei. Na gook cu hnüüp ung khaw ng’ling ne khomü ung khüi ah toi nak ung ghawh vai nei.

JEREMIAH 36:6

Cun ung phi cun kawn ah chang gui naw ei ami hlawi ba ung nang na hteh vai ah kei naw ka ng’ya hlük ci. Nang naw ca k’chaw cu m’lau ne na phat vai, cun ung chang gui naw Bawipa naw ana pyen nak nü la nang am m’cu ne ka ning m’thein cu ng’yak khai gui. Ami pigawnu gui ah ka lawic ciah Judah chang gui mah mah ah chang nü naw ang yak vai ah na bi vai.

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

2 SHONTÄP NAK 36:6

Babilonia Ghangpughang Nebukhadnezzar naw Judah cu tu ne, Jehoiakim pha ne, m’si gui awn khit ne Babilonia ah hteh püi ci.

2 GHANGPUGHANG GUI 9:35

Cun ung phi ani phuh khai ah hteit ci gui naw a lukoi la a kut guh, a khaw guh gui bäng hmuk ci gui.

1 GHANGPUGHANG GUI 14:10

Acun ah phäh ah kei naw na mangshon ah khan ah leigai law püi ne, na hta ng’shon ak hmaw angvai pami avan ngawn khai nei. Nang ah kyongkhui cu kei naw ka nawt heng khai, ngami cu eek-pyaw ah mäih ah pheih phai gui vai.

2 GHANGPUGHANG GUI 23:36

Jehoiakim cu Judah ghangpughang ah a kyak law yah ung a khokum kum m’ku lei hma lawk ci, ani naw Jerusalem ung om ne kum gha lei ät ung uk ci. Ani ah anu cu Rumah ungka Pedaiah ah hta Zebidah ah kyak ci.

2 GHANGPUGHANG GUI 24:6

Jehoiakim a sih kawn ah a hta Jehoiachin cu ghangpughang ah kya ba ci.

THUSHÄUTU 6:3

Chang tumat cu phia ah hta ne, ak sho a ghin ung phi, a i güt a ghin ung phi, ani ung yeikyai nak kä om ne, akni ah htüm kaw nak phi kä a om ah a kyak ung, hta nak vai am sik ciah hta-yüt ah ta ka tuba ci nei.

JEREMIAH 8:2

Bum ne phuh nak vaisü ung ami guh gui cu eek ah mäih m’dek ung ng’zän khai gui. Cun gui cu ng’zaih düt u ne, hni ni, cha ni, aisi ni gui ah ma ah ng’pho khai gui, cun gui cu shin ah chang gui naw m’hni gui ne, abii bi u ne, ng’shi k’thah gui ne, ami khawihnah gui ah kyak ci.

EZEKIEL 19:8

Chang pakhui gui ani tuk khai gui ah ng’bum ci gui; A hmun päng ungka Chang gui lawk ci gui. Ngami naw sa pha nak ah ng’vai k’phiat u ne, ani cu ami cuun ung phak ci gui.

EZEKIEL 39:5

Ngami cu khong pyäu ung sik khai gui, kei, uktu Bawipa naw ka pyen nei.