JEREMIAH 22:18 - Cho Bible Common Language 2016

¹⁸ Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

JEREMIAH 22:18 Referans Kwoze

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

1 GHANGPUGHANG GUI 13:30

Ani naw cun cu amät ah kyongkhui ng’cim hmun ung phuh ci, ani la a hta gui cu thüi kyap u neta, “O Ka phäi hta, ka phäi hta!” cik ci gui.

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 34:5

Nang cu dimdeeih sei na sik khai, nang kä na om pha ung ghangpughang ah kyak ci gui ch nami pupa gui ami k’phuh gui ung tui ngui ami m’kaih ci gui ah nami pupa gui ami k’phuh ah phi tui ng’ui m’khih khai gui nang ah phäh ah thi kyap u ne, “Kami ghangpughang sik ci nei” cik khai gui, Kei, Bawipa naw ka pyen nei.”

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

2 SAMUEL 1:26

“Nang ah phäh ah ka thüi ci nei, ka phäi Jonathan; Nang naw a i hlawk ah na na m’hni ci ang? Nang ah na m’hni cu i hlawk ah cäi vai ah kyak ci ang, Cun cu hnumi ah m’hni ah ta bä pi ci nei.

2 GHANGPUGHANG GUI 23:6

Ani naw khanpughinu Asherah ah a gup cu mang gaw ungka, Kidron Khongnawi ah hteh püi neta, mei awn m’khih ci, m’vut cu khui khai ah güt neta, ng’phuh-hmun ah khan ah phyang ci.

2 GHANGPUGHANG GUI 23:36

Jehoiakim cu Judah ghangpughang ah a kyak law yah ung a khokum kum m’ku lei hma lawk ci, ani naw Jerusalem ung om ne kum gha lei ät ung uk ci. Ani ah anu cu Rumah ungka Pedaiah ah hta Zebidah ah kyak ci.

2 GHANGPUGHANG GUI 24:6

Jehoiakim a sih kawn ah a hta Jehoiachin cu ghangpughang ah kya ba ci.

2 SHONTÄP NAK 36:5

Jehoiakim cu Judah ghangpughang ah a kyak law yah ung a khokum m’ku lei hma lawk ci, ani naw Jerusalem ung om ne, kum gha lei ät uk ci. Ani naw Bawipa a Khanpughi cu hnungtuk püi ne hma nak bik ci.

JEREMIAH 22:12

Ani ami hteh püi nak ah khopäng ung sik khai nei, ani naw shin ah kho cu kä hmu tuba khai nei.”

1 SHONTÄP NAK 3:15

Josiah ung htapa phli om ci: Cun gui cu Johanam, Jehoiakim, Zedekiah la Joahaz.

JEREMIAH 21:11

David ah ang shon Judah mang im gui am pek gui vai ah Bawipa naw kei ana pyen nak cu, “ngai vä, kei, Bawipa naw ka pyen cu. Hmu vä, taga nak cu a hnüüp tä bi nei. Ami guttep ah chang cu guttep ciah kut ung ka shungvong vä. Cun ah kä nami bi ung, akshe nami bi kei ah m’lungshe nak naw mei ah mäih ah ui sei, cun cu a u naw kä m’sih hlawt khai nei.

JEREMIAH 36:30

Cun ah kya sei, tuhbäi kei, Bawipa naw nang ka ning pyen nak ci, ghangpughang Jehoiakim, nang ah htangshon a u naw phi David ah uknak khaw cu kä uk khai nei. Na gook cu hnüüp ung khaw ng’ling ne khomü ung khüi ah toi nak ung ghawh vai nei.