JEREMIAH 22:16 - Cho Bible Common Language 2016

¹⁶ Ani naw dukhaih ci gui cu taga khai ah pe gui ci, cun ah kyasei apäng avan cu bä ci. Cun cu Bawipa hmuhmat nak ah phäh ah kyak ci.

JEREMIAH 22:16 Referans Kwoze

JEREMIAH 9:24

Chang tumat cu a khäh ghah hlü ah a kyak ung, kei ana hmat nak la ana hmuhmat nak awn a khäh ghah vai, a i ah kyasei ci ung, kei ah ka m’hni nak cu ng’täi ci, kei naw taga ci la düng cicu ka bik ci. Kei, Bawipa naw ka pyen ci.”

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JEREMIAH 9:16

Kei naw ngami cu ami pupa gui la ami mät naw kä ami ng’yak man ah changpakhui gui ah ng’lung ah ka püi sak gui khai. Cun kawn ah kei naw akbe ah kä ka m’di pha gui ah chuih, ngami hnungtuk püi gui ne gakap gui ka tüi gui khai.”

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

JOHAN 17:6

Khomdek khan ungka ghü ne, kei ah kut ung na na ap ah chang gui-am, nang ah mawng cu kam thein gui pyi ci nei. Ngami cu nang naw khäm gui ne, kei-am na na ap pyi ci, ngami naw nang thu phi ngai pyi ci gui.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

SAM 36:10

Nang ning hmat ci gui ah khan ah na m’hni nak cu ng’täi sak ne, düng ci gui ah khan ah na ni nak cu be sak ä.

NG'THU K'THUUK~ 31:9

Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.