JEREMIAH 22:15 - Cho Bible Common Language 2016

¹⁵ Nang naw cedar sing awn im co ne, ahei im gui ah ta niba pi khai ah na pyan ung phi, cun naw bä ba pi ciah ghangpughang ah ning pyan khai ang? Nang ah napa cu a ghin ah chuih zeikia ci. Akphlüt ah ng’düng ne taga ci, ani abi lawk nak nü ung bämcam ci.

JEREMIAH 22:15 Referans Kwoze

2 GHANGPUGHANG GUI 23:25

Moses ah thukhän avan läk ne, amlung kyong avan, a ghin nak avan, aktha gui avan awn Bawipa ah bii bi ciah ghangpughang cu a cau phi kä om man ci, a ngawi phi kä om khai.

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

THUSHÄUTU 10:17

Amät ah m’hnüt bäi nak awn bi hning ciah ghangpughang om ne, a khin awn ei ne, amät naw amät m’htei ne, kä awktat ciah angvai gui ah om nak ah khawpäng cu bänak om ci nei.

NG'THU K'THUUK~ 25:5

Akshe ah m’cumcäi thei cicu ghangpughang ungka kami k’täm khai. Aniah uknak cu ataga nak awn avan naw hmat khai.

NG'THU K'THUUK~ 29:4

Ghangpughang naw taga nak ak tung ah abi ung akho akchang khüighat ci. Ngui ktung na ne abi ung a khaw akchang di sak khai.

2 GHANGPUGHANG GUI 22:2

Josiah naw Bawipa ah yeikyai nak vai ah bii bik ci; ani naw apughi ghangpughang David ah bilawh gui cu läk ci, Khanpughi ah thukhän gui cu aküi ah läk ci.

JEREMIAH 42:6

Keimi kä ana yei sak gui ung phi, ana yei sak gui ung phi keimi naw k’thäh u ngä sei na k’taigü nak ah Bawipa mi khanpughi cu kami ngai khai nei. Ani kami ngaih ah a kyak ung keimi ah khan ah avan cu bä khai nei.”

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

LUKA 11:41

Cun ah nami bi ung nangmi ah hmawk ah avan theingthap khai nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

JEREMIAH 22:3

Kei, Bawipa naw ka ning thumkhän gui ci, taga ci la dung cicu nami bi vai. Nangmi naw ami m’hleei ah chang cu m’hleei ciah chang ungka nami shungvong vai. Akhohei chang gui, hmeihta gui, hmei nu gui cu, akshe ah kä nami om nak gui vai, kä nami shedam nak gui vai: shin ah theing-cim ciah hmun ung changni gui cu kä nami ngawn gui vai.

ISAIAH 33:16

Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

NG'THU K'THUUK~ 31:9

Ngami ah phäh ah ng’thu pyen ne, ng’düng khai ah ng’thumcha ne dukhaih ci la ng’ya hlük ciah chaw cu nami shungvong pek vai.”

NG'THU K'THUUK~ 20:28

Ghangpughang cu a uk nak ung, düngnak, taga nak la nibä nak a om ah chuih huham mah ne om khai.

2 SHONTÄP NAK 34:2

Ani naw Bawipa ah yeinak vai ah bik ci; ani naw apughi David Ghangpughang ah bi cu läk ne, Khanpughi ah thukhän avan gui phi a khüüsüh ah läk ci.

1 SHONTÄP NAK 3:15

Josiah ung htapa phli om ci: Cun gui cu Johanam, Jehoiakim, Zedekiah la Joahaz.

THULÄÄN NAK 4:40

Kei naw tuhngawi ka ning pek gui ah ang thukhän avan cu läk vä. Avan cu nangmi la nami htangshon gui ung akni ah hteit khai. Bawipa nami Khanpughi naw khong län ung nami kaa nak vai ah a ning pek gui ah khaw ung nangmi cu k’täi ne nami om khai.”

JEREMIAH 7:5

“Nami ghin nak cu nami m’thawng vai, nami bilawh ah amawng gui cu nami m’düm vai. Tumat la tumat nami khawt sheng nak ung nami didang vai.

2 SHONTÄP NAK 35:22

Cun ung phi Josiah naw ng’tuk vai ah k’bäi pyi ci. Ghangpughang Neko ung Khanpughi naw ng’thu a pyen cu ani naw kä ngai ci, cun ah kyasei ani naw amüi khukhlat ne Mekiddo khawdo ung ng’tuk bik ci.

2 SHONTÄP NAK 35:26

Josiah naw abi phung — Bawipa ung ang ap nak, thukhän a läk nak, la