JEREMIAH 22:14 - Cho Bible Common Language 2016

¹⁴ “Kei naw mang im nu co ne akhan ah akhan ang shawng gui akda ka pyang khai” ci ne khähghah cicu ng’ziin nak om ci. Ani naw a im ung m’kawt gui pyang ne, cedar sing awn pyang ne a sen awn hluk ci.

JEREMIAH 22:14 Referans Kwoze

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

HAKKAI 1:4

“Ka chang gui aw, ka Taigüim she ne a kyak sang ung, a i ah kyasei im ni cine nami om ang?

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

ISAIAH 9:9

Israel chang gui avan, Samaria mang gaw ung om ciah chang nü naw ani naw shin ah abi cu hmat ci gui nei. Tuhbäi ngami cu chang ah ng’shei ne m’lung m’dän ci gui nei.

SOLOMON NG’Ä~ 1:17

Cedar sing gui cu mi im ung lawng dang ah kyak khai, saipres sing gui cu ceilling ah kyak khai.

NG'THU K'THUUK~ 24:27

Im kä na cawh cang vai, kyong khui kä na pyan cang vai, na khaw ma loma ng’htei khai ah, na mät naw na hnun na m’ghin hning ciah ng’htei khai ah na bi tu cang vai.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

2 SHONTÄP NAK 3:5

Akyongnu cu cedar sing awn pyang ne ghui akni awn ami vook ah kyak ci. Cun ung can sing ah pung la m’si gui ng’kaih ami pyan ah kyak ci.

EZEKIEL 23:14

“Ani cu kaa law pi kaa law pi ci. Ani cu hlüng ciah Babilonian bawi gui ah mi pung gui naw hläi aih ci, cun gui cu k’paang vüt ne ung pyü ciah asen awn cüiche u ne, ami khei ung khei pat awn pat u ne, ami lu cu lupawng awn pawng khai ah ami sawi ah kyak ci.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.