JEREMIAH 22:13 - Cho Bible Common Language 2016

¹³ Kä taga ciah lam awn a im co ne, kä ng’düng ciah lam awn m’shawng kau ne, chang gui alä ah täk phan gui ne, ng’cheng phi kä pe gui ciah chang cu, ng’ziin nak om ci.

JEREMIAH 22:13 Referans Kwoze

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

MIKHAH 3:10

Nangmi naw Khanpughi ah mang gaw, Jerusalem cu ngawn sih nak la kä taga ciah khan ung nami co ci.

TAIGÜTHUM 19:13

Chang ah kaa kä lak pek düt vai, kä guttep vai. Na ghüh ah chang ah ng’cheng cu kä na shum pek vai, mü ät phi kä na tha pek vai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

2 SHONTÄP NAK 36:4

Neko naw Joahaz ah nau Eliakim cu Judah ghangpughang ah hmoh ba neta ang ming cu Jehoiakim ah m’thawng pek ci. Joahaz cu Neko naw Egypt ah hteh püi ci.

2 SHONTÄP NAK 36:5

Jehoiakim cu Judah ghangpughang ah a kyak law yah ung a khokum m’ku lei hma lawk ci, ani naw Jerusalem ung om ne, kum gha lei ät uk ci. Ani naw Bawipa a Khanpughi cu hnungtuk püi ne hma nak bik ci.

ISAIAH 5:8

Nami khaw mü ci nei! Nangmi naw nami mät ung om pyi ci nami m’khah nak vai ah im gui la lo gui nami hleih ci kä shou pha sei chang a hei gui ami om nak tu vai kä om law ba khai, nangmi nami mät bäng shin ah khaw ung nami om lank khai.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

THULÄÄN NAK 15:13

Nangmi naw nami m’hlawt ah a kyak ung a kut ghawng ah kä nami hteh en sak vai,

JOB 31:39

Kei naw acun ung m’thawk ciah ei cu ei ne, A cun ah lai bik ci gui cu ka cawi sak gui ci c kyak vaisü ung,

HABAKKUK 2:12

Nangmi cu nami ng’yiin ci! Nami mang gaw cu cheishoh nak awn kümbe ci, ngawn sih nak awn nami co ci.