JEREMIAH 22:11 - Cho Bible Common Language 2016

¹¹ Judah ghangpughang ah kya ne apa ah hnün ung ngo ba ciah Josiah ah htapa Joahaz ah mawng cu Bawipa naw shin cha ah pyen ci, “Ani cu shin ungka naw ahei ah hteit pyi ci nei, kä law ba khai nei.

JEREMIAH 22:11 Referans Kwoze

1 SHONTÄP NAK 3:15

Josiah ung htapa phli om ci: Cun gui cu Johanam, Jehoiakim, Zedekiah la Joahaz.

2 GHANGPUGHANG GUI 23:34

Ghangpughang Neko naw Josiah ah hta Eliakim cu Josiah ah hnün ung Judah ghangpughang ah tha ci, a ming cu m’thawng pe ne Jehoiadim ah sui ci. Joahaz cu Ghangpughang Neko naw Egypt ah hteh püi sei, a cu ah si tuk ci.

2 SHONTÄP NAK 34:22

Ghangpughang ah thumkhän ah Hilkiah la a hei gui naw Jerusalem gaw thai täng ah om ciah prophet hnumi Huldah cu hteit ne ng’shi thäh ci gui. (Ani ah cei Shallum cu Tikvah ah hta, Harhas ah tu ah kyak ci, taigü ci, Taigüim suinu gui m’htei ciah kyak ci.) Ngami naw cun ah hnumi am kya lawk ciah amawng gui cu m’thein tuk ci gui.

2 SHONTÄP NAK 28:12

A siiptäng uknak khaw ung angvai hta phli ah kyak ciah, Jehohanan ah hta Azariah, Meshillemoth ah hta Berechiah, Shallum ah hta Jehizkiah, la Hadlai ah hta Amasa gui naw phi gakap gui ah hnünthawh cu hnungtuk ci gui.

2 GHANGPUGHANG GUI 23:31

Joahaz cu Judah ghangpughang ah a kyak law yah ung a khokum kum m’ku lei thum lawk ci, ani naw Jerusalem ung om ne cha thum ung uk ci. Ani ah anu cu Libnah mang gaw ungka Jeremiah ah hta Hamutal ah kyak ci.

2 GHANGPUGHANG GUI 23:30

A chang vai gui naw ani ah gook cu yatha ung taih u neta Jerusalem ah hteh püi ba ci gui, mang gui ah ng’phuh hmun ung k’phuh ci gui. Judah chang gui naw Josiah ah hta Joahaz cu ghü u ne ghangpughang ah hmoh ba ci gui.

ZEPHANIAH 1:1

Shin ah ng’thu cu Khanpughi naw Zephaniah am a pek ah kyak ci. Cun yah ung Amon ah hta Josiah cu Judah ghangpughang ah kyak ci. Zephaniah cu Amariah, Kedaliah, la Kushi gui ungka ghangpughang Hezekiah ah ng’shon ah kyak ci.

2 GHANGPUGHANG GUI 23:29

Josiah cu ghangpughang ah a kyak sang ung, Egypt ghangpughang Neko cu Assiria uktu hun khai ah a gakap gui awn Euphratis Tuinu ung gawk lawk ci gui. Ghangpughang Josiah naw Egypt gakap gui khan gui khai ah law te ci, Mekiddo ung ng’tu u neta, ami ngawn ah kyak ci.

JEREMIAH 22:27

Nangmi naw shin ah khaw cu nami hmu ba hlük khai, cun ung phi nangmi kä nami law bap hung khai.”