JEREMIAH 22:10 - Cho Bible Common Language 2016

¹⁰ Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

JEREMIAH 22:10 Referans Kwoze

JEREMIAH 22:11

Judah ghangpughang ah kya ne apa ah hnün ung ngo ba ciah Josiah ah htapa Joahaz ah mawng cu Bawipa naw shin cha ah pyen ci, “Ani cu shin ungka naw ahei ah hteit pyi ci nei, kä law ba khai nei.

THUSHÄUTU 4:2

Si ne hteit pyi ci gui ah khan ah kei cu ka ng’vanglak ci; ghing ne om ci gui ah ta ngami cu bä pi ci gui ah kyak ci.

NG’ÄI KYAH 4:9

Ayanä ng’tuk nak ung sik ci gui cu, akawn ah sik ci gui ah ta bä tuba ci. Ngami cu ami hnun k’pan nak vai ei vai kä om sei, a kyäp kyäp ah sik ci gui ah kyak ci.

ISAIAH 57:1

Chang k’ni gui cu sik ci gui, cung ah mawng cu a u naw kä hmat ci, a u naw i ah kä ngai ci. Cun ung phi ngami ami sih ung sih kiuk nak naw kä k’et ba gui ci.

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

LUKA 23:28

Bawipa Jesuh naw, cun ah hnumi gui lam ah ng’hlat netah, Jerusalem ah hnumi gui aw, kei ah hmawk ah kä kyap u ne, nami mät la nami hta gui ah hmawk ah nami kyah vai.

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

2 SHONTÄP NAK 36:4

Neko naw Joahaz ah nau Eliakim cu Judah ghangpughang ah hmoh ba neta ang ming cu Jehoiakim ah m’thawng pek ci. Joahaz cu Neko naw Egypt ah hteh püi ci.

JEREMIAH 16:7

Am hni ah chang sik ci a om ung k’büi nak ah a u naw phi kä ei awk püi khai. A u naw phi m’gein nak kä m’dang khai, a nu, apa chük ciah phäh ah phi a u naw kä m’gein khai.

JEREMIAH 25:27

Bawipa naw kei cu na pyen nak ci, “Kei, m’gäi ciah Bawipa, Israel khanpughi naw ka thumkhän gui cu chang gui am m’thein gui ä, ngami hnungtuk gui khai ah kei naw ka tüih law ng’tuk nak awn awktat ne m’sha ne, kyu ng’täng ne kä ami thawh law ba hning güt ung ami awk vai nei.

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

EZEKIEL 24:16

Ani naw pyen ci, “Hnicim chang, nang naw na m’hni pi k’bäih ah chang cu kei naw ang ghit ah ka lak khai. Nang cu ng’thu kä na m’da vai, kä na kyah vai, na ng’phli tui kä na chak vai.

2 GHANGPUGHANG GUI 23:29

Josiah cu ghangpughang ah a kyak sang ung, Egypt ghangpughang Neko cu Assiria uktu hun khai ah a gakap gui awn Euphratis Tuinu ung gawk lawk ci gui. Ghangpughang Josiah naw Egypt gakap gui khan gui khai ah law te ci, Mekiddo ung ng’tu u neta, ami ngawn ah kyak ci.

JEREMIAH 22:27

Nangmi naw shin ah khaw cu nami hmu ba hlük khai, cun ung phi nangmi kä nami law bap hung khai.”