JEREMIAH 21:9 - Cho Bible Common Language 2016

⁹ Mang gaw kyong ah k’pawih ba ciah chang phung ng’tuk nak ung ei ah cawi ne, natnak ung sik khai. Cun ung phi akpung ah hteit ne tuhbäi mang gaw tuk ci gui ah Babilonia gui ah ma ah a kut chah cicu kä ngawn khai gui; ngami cu ami hnun ghin nak läi phyawng khai.

JEREMIAH 21:9 Referans Kwoze

JEREMIAH 38:2

Kei naw ka m’then gui ah Bawipa naw a pyen ah ng’thu cu,” mang gawpyam nak ung sik khai. Cun ung phi akpung ah hteit ne Babilonian gui ah ma ah a kut chah ci phung cu kä ngawn khai gui; ngami cu ani hnun ghin nak läi cu phyawng khai gui”

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

JEREMIAH 39:18

Kei naw ka ning phiawn sak gui khai, nangmi cu sih nak kä ning pe gui khai gui. Nangmi cu nami hnun gui phyawng khai, a I ah kyasei ci ung nang mi naw kei nami na ngaih a ci. Kei, Bawipa naw ka pyen nei.”

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 27:13

Ai ah kyasei nang la na chang gui cu ng’tuk nak, ei cawi nak la gawpyan nak awn nami sih ang. Cun cu Babilonia Ghangpughang ung kä ng’kiaa ciah pakhui ah khan ah kya lawk khai ah Bawipa naw a pyen ah kyak ci nei.

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 24:10

Kei naw ngami la ami pupa gui am ka pek ah shin ah khaw ung chang tumat phi kä a om ba güt ung ng’tuk nak, ei cawi nak la leigai cu ami khan ah ka law püi khai.”

JEREMIAH 27:11

Cun ung phi pakhui tumat mat cu Babilonia Ghangpughang ah ng’kiaa ne abii abi ah a kyak ung, kei naw ani cu amät ah khaw ung nei sak ne, vook kyan sak ne, acung ka om sak khai. Kei, Bawipa naw ka pyan ci.”

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

JEREMIAH 27:12

Kei naw a cun ah mäih bä ah Judah ghangpughang Zedekiah phi Chang gui ah bii cu biä, Cun ung nang cu na ghing khai.

JEREMIAH 38:3

kei naw Bawipa ah pyen ka m’thein gui cu, “Kei naw mang gaw cu Babilonian gakap gui am ka pe lawk khai, ngami naw khäm lawk khai gui.”