JEREMIAH 21:6 - Cho Bible Common Language 2016

⁶ Shin ah mang gaw ung om ci nü kei naw ka ngawn khai nei; chang gui la seime gui cu kyih vai ah natnak ung sik khai gui nei.

JEREMIAH 21:6 Referans Kwoze

ZEPHANIAH 1:3

chang gui, khisa gui, kha gui, nga gui avan, akshe gui avan ah di nak vai ka law püi khai. Chang pakhui avan ka m’di khai, a u kä k’pawih ba khai. Kei, Bawipa naw ka pyen ci nei.

HOSEA 4:3

Cun ah kyasei shin ah khaw cu chawng yawp khai, ghing om ci nü si yawp khai. Khisa avan kha gui la nga gui phi si yawp khai gui.”

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

EZEKIEL 14:19

“Kei naw cun ah khopäng ah khan ah leigai tüi law ne, ka m’lungshe nak awn ghin nak akda la ne, Chang gui la sei me gui ka ngawn ah a kyak ung,

EZEKIEL 14:17

“Kä cun ung, kei naw cun ah khopäng ah khan ah ng’tuk nak ka law püi khai, Chang gui la seime gui nawt heng gui khai ah m’di nak ah likhin ka tüi lawk khai,

EZEKIEL 14:13

ani naw pyen ci, “Hnicim Chang, khopäng tumat cu katnak bi ne, kei ung kä abekhüt ah a kyak ung, kei naw ka kut shäng ne, ani ah ei awk vai gui cu ka m’di khai. Kei naw m’gaang tüi law ne Chang gui la seime gui cu ka ngawn khai.

JEREMIAH 33:12

M’gäi ciah Bawipa naw pyen ci, ‘Bunghmu ah mäih ah kya ne, chang la khisa gui ah kä om nak ah shin ah khaw cu htoshäm gui naw ami htome gui ami chah nak vai ah khulim khaw ah kya ba khai.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

ISAIAH 6:11

Kei naw, “Bawipa shin ah mäih cu ai güt lüng khai ang?” cine ka ng’shik ci. Ani naw, “Shin gui cu mang gaw gui di ne a maih güt-im gui a u kä a om ba güt-khaw ung chang kä a om ba güt ah kyak khai.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

MIKHAH 3:12

Cun ah nangmi ah om ah, Zion cu lai ah mäih ah thawn khai gui, Jerusalem ci di nak ah m’dek ng’plum ah kyak khai. Taigüim m’htung cu bung ah ng’lat khai.

EZEKIEL 33:29

Kei naw chang gui cu ami katnak ah phäh ah m’kyuk gui ne, khopäng cu ka shiu law sak ah a kyak ung, kei cu Bawipa ah ngami naw hmat khai gui.”

EZEKIEL 33:27

“M’thein gui ä, kei uktu Bawipa akcang ah ghing ciah Khanpughi naw ng’thu ka k’bäi gui cu, ng’phyek ciah mang gaw gui ung om ciah chang gui cu ngawn gui vai nei. Shin ah khopäng ung om ciah chang gui cu khisa naw ei gui khai nei. Khomhtung la lungkhui ung ng’thup ciah chang gui cu gaw pyam ne sik khai gui nei.

EZEKIEL 12:16

Ngami ung ka api cu ng’tuk nak, ei cawi nak la gaw pyan nak ungka ka k’phiawn gui khai, cun ung ngami cu chang pakhui gui ah ng’lung ah ngami ah hnün thawh cu a i hlawk ah shemshai ci, cicu hmat u ne, kei Bawipa ah ka kyak cu ng’kiaa khai gui.”

EZEKIEL 7:15

Lam gui ung ng’tuk nak gui om ci, im gui kyong ah gawp yam nak la ei cawi nak om ci. Khopäng ah akpung ah lut lawk ci phung cu ng’tuk nak ung sik ci, mang gaw kyong ah om ci gui cu gawpyam nak la ei cawi nak ung sik khai gui.

JEREMIAH 42:22

Cun ah kyasei shin cu shüm ba vä; nangmi hteit ne nami om nak hlü ah khaw päng ung ng’tuk nak, ei cawi nak la gawpyan nak awn nami sik khai” cik ci.

JEREMIAH 36:29

Bawipa naw ghangpughang ka pyen nak vai ah ana m’thein cu “Nang naw ca k’chaw na m’khih ci, a i ah kyasei Babilonia ghangpughang naw law ne, shin ah khaw cu m’di ne, cun ung chang gui la khisa gui cu ngawn gui khai, cine a guk ah Jeremiah cu na ng’shik ci.

JEREMIAH 34:17

Cun ah ki asei tuhbäi, kei Bawipa naw ka pyen cu, nangmi naw kä nami na ngai ci, nangmi naw nami Israel paw gui ami phiawn nak vai kä nami pek ci. Ak bä ah kei naw phiawn nak ka ning pe gui khai; cun cu phyawng ne ng’tuk nak gawpyam nak, ei cawi nak ung sih nak ah kyak ci nangmi ah khan ah ka bi nak awn khomdek khan ah chong pakhui nei kyikyawk khai ah ka bik khai.

JEREMIAH 14:12

Ngami ei ami hlawi ung phi kei naw ka m’htei gui vai ah ngami naw ami k’thäh cu kä ka ngai khai; ngami naw m’khih ne douthak nak la htang-douthak nak ami na douthak law ung phi kei naw kä ka yei na gui khai. Cun nak vaisü ung ng’tuk nak, ei cawi nak la gawpai nak awn kei naw ka ngawn gui kei.

JEREMIAH 7:20

Cun ah kyasei kei uk ciah Bawipa naw shin ah Taigüim ah khan ah nui ciah ka m’lungshe nak cu ka yuk lawn khai nei. Kei naw chang gui la khisa gui ah khan ah atäng ah ka yuk lawn khai, sing ghing gui la geit kaw gui ah khan ah phi ka lawn khai. Kei ah ka m’lungshe nak cu a u naw kä a m’sih hlawt ah mei ah mäih ah kyak ci.

ATÜNNAK 6:7

Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 20:4

Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.