JEREMIAH 21:5 - Cho Bible Common Language 2016

⁵ Kei naw ka m’gäi nak, ka m’lungshe nak, ka nget nak, ka m’lungso nak avan awn nang cu ka ning tuk khai nei.

JEREMIAH 21:5 Referans Kwoze

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

JEREMIAH 6:12

Ami im gui, ami lolai gui la ami chu phi chang hei gui om pe gui khai gui. Shin ah kho ung om ciah chang gui cu kei naw ka m’kyuk law gui khai.

ISAIAH 9:21

Manasseh chang gui la Ephraim chang gui cu ami mät ng’tuk khai gui, cun kawn ah atäng ah Judah cu tuk khai gui. Cun ung phi Bawipa ah m’lungshe nak cu kä ng’pyi khai; ani naw a kut cu ngami m’kyuk nak gui vai ah shäng lä khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

PHYAWN NAK 9:15

Kei naw ka kut shäng ne nang la na chang gui cu ka shetkat sak gui khai, nang phi ang müi ah ka ning m’di khai.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

THULÄÄN NAK 4:23

Bawipa nami Khanpughi naw a ning bi püi gui ah thukhän cu kä nami m’hnih vai ah nami geing nak vai. Nami mät ah hmawk ah a i a gup phi kä nami pyan vai ah a ning thumkhän gui cu kä nami m’hnih vai.

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

NG’ÄI KYAH 2:3

Ani naw am lungshe nak awn Israel gu ah thagui cu ng’phyekpai sak ci. Ga alaw sang ung ana m’htei gui vai ah ani mak ci. Ani naw nget ne mei ah mäih ah na hnungtuk püi gui ci, apäng cu m’di ci.

EZEKIEL 5:8

Cun ah kyasei kei, uktu Bawipa naw ka ning m’thein ci, kei cu nang ah ga ah ka kyak ci. Chang pakhui gui ami van naw ami hmuh hning vai ah nang ah khan ah m’khoi cho nak cu ka gawk sak khai.

EZEKIEL 39:3

Kei naw ak eng täng kut ung a li la akpat täng kut ung amla cu ka ci pe hlit khai.