JEREMIAH 21:4 - Cho Bible Common Language 2016

⁴ Cun cu Israel khanpughi ah ng’thu Zedekiah am m’thein vai ah kyak ci, ani naw pyen ci, “Zedekiah, Babilonia ghangpughang la a gakap gui hnungtuk ne ng’tuk ci gui ah na gakap gui cu kei naw ka hnim lawk khai nei. Na gakap gui ah likhim gui cu mang gaw ah ng’lung ung ka k’bum khai nei.

JEREMIAH 21:4 Referans Kwoze

JEREMIAH 33:5

Am shah gui naw Babilonian gui cu ng’tuk püi khai gui, ngami naw im gui cu kei naw ka m’lungshe nak la ka nget ngawng nak awn ka ngawn sheh gui ah a hook gui awn be sak khai gui. Kei naw shin ah mang gaw cu ka ng’hlah tak ci, a i ah kyasei ci ung awn ung om ciah chang gui naw akshe ami bi ah phäh ah kyak ci.

JEREMIAH 32:5

Zedekiah cu Babilonia ah hteh püi khai gui, kei naw kä ka om püi pha ah chuih ani cu a ra om khai. Ani naw Babilonian gui cu a tuk gui ung phi kä näng hlawt khai. Kei Bawipa naw ka pyen nei.”

ISAIAH 13:4

M’htung khan ah k’aw cu ngai vä akdäm ah ng’bum ciah chang gui ah k’aw nei. Gamang Bawipa naw a gakap gui cu g’tuk bi vai ah pawng püi ci nei.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

ZEKHARIAH 14:2

Bawipa naw pakhui avan cu Jerusalem ung ng’tuk khai gui ah atäng ah law püi gui khai. Mang gaw cu khäm u ne, im gui cu gut tep u ne, hnumi gui cu phye k’pyei khai gui. Chang a cukchü cu pha ne dawng püi khai gui, a cuchü cu mang gaw ah k’pawih shüt khai gui.

NG’ÄI KYAH 2:7

Bawipa naw a sonkiang cu hnungtuk ne theingcim ciah Taigüim cu ng’gau sak ci. Acun ah paang gui cu ga gui naw ami gäi vai ah ani naw bi sak gui ci. Ayanä mikmi naw yei ne mi khawihnah nak man ung ngami cu näng nak awn m’lau ci gui.

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

JEREMIAH 39:3

(Jerusalem cu ami khäm kawn ah Babilonia ghangpughang ah bawi ng’var gui ami khäm kawn ah Babilonia ghangpughang cun cu Nerkala Sarezer, Samkar Nebo, Sarsechim la ahei Nerkala mah mah ah kyak ci.)

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

JEREMIAH 52:18

Acun ah mäih ah sonkiang theingthap sak nak ung ami mang ah m’sawng gui, m’vut khawk gui, mei imm gui pyan nak ung mang ah a i baw gui, khawihnah nak ah si m’cun nak khawk gui, tui ng’ui m’khih nak ung mang ah khawk gui, la Taigüim khawihnah nak ung mang ah ahei kyei gui cu hteh püi ci gui.

ISAIAH 10:4

Nangmi cu ng’tuk nak ung ning ngawn gui khai gui, käcung thawngkyum ah pha ne ning kaih gui khai gui. Cun ung phi Bawipa m’lungshe nak cu kä ng’pyi khai, ani naw a kut cu m’kyuk nak vai ah shäng lä khai.

JEREMIAH 20:4

Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.

JEREMIAH 21:3

Cun kawn ah Bawipa naw na ng’thu püi sei, ami tüih law ah chang gui am ka m’thein gui ci.

JEREMIAH 32:3

Ghangpughang Zedekiah naw acu ah kei cu thawng ung na chum ci. Bawipa ah ng’thu pyen ka ng’shäu ah pyen ne nak bün ci: “kei naw Babilonia ghangpughang am shin ah mang gaw ka khäm sak khai,

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

JEREMIAH 35:17

Cun ah kyasei kei, m’gäi ciah Bawipa, Israel khanpughi naw nangmi Judah la Jerusalem ah khan ah kei naw ka shaitak ah dishum nak avan cu ka law püi khai. Kei naw cun cu ka bik khai, a i ah kyasei ci ung kei naw ka ning thu püi gui kä ngai u ne, ka ning khügui ung kä nami äi ci.”

NG’ÄI KYAH 2:3

Ani naw am lungshe nak awn Israel gu ah thagui cu ng’phyekpai sak ci. Ga alaw sang ung ana m’htei gui vai ah ani mak ci. Ani naw nget ne mei ah mäih ah na hnungtuk püi gui ci, apäng cu m’di ci.

EZEKIEL 39:3

Kei naw ak eng täng kut ung a li la akpat täng kut ung amla cu ka ci pe hlit khai.