JEREMIAH 21:13 - Cho Bible Common Language 2016

¹³ Nang, Jerusalem cu khongnawi ah khan hlüng ne na ngok ci nei, cun cu kho zaw ung hang tho ciah lungksong ah mäih ah kyak ci nei. Cun ung phi kei naw hnung tuk ne ka ning tuk püi khai nei. Nang naw, a u naw kä na tu gui hlawlt khai, nami ng’vong pang phi a u naw kä m’shet hlawt khai nami cik ci.

JEREMIAH 21:13 Referans Kwoze

EZEKIEL 13:8

Cun ah kyasei uktu Bawipa naw pyen na gui ci, “Nami ng’thu gui cu pyan ah kyak ci, name muimang gui cu hleei ah kyak ci. Kei naw ka ning hnung tuk gui ci nei.

NG’ÄI KYAH 4:12

A u naw phi, a hawi ah phi, a khohei khaw uktu gui naw phi, Jerusalem ah m’kawt cu a u naw atuk law ung phi, kä lut law hlawt khai ciah yum ci gui.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

JEREMIAH 50:31

“Babilonia, nang cu chang ah ng’shei nak awn na be ci, cun ah kyasei, kei, m’gäi ciah Uktu Bawipa naw ka ning hnungtuk ci nei! Nang ning m’kyuk nak vai ah kei ah akhin cu gawk lawk ci nei.

SAM 125:2

Kho guui gui naw Jerusalem cu ami kyung ah mäih ah, Bawipa naw a chang gui cu tuhbäi ung tün ne, kho ng’län ung kiung gui ci.

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 21:5

Kei naw ka m’gäi nak, ka m’lungshe nak, ka nget nak, ka m’lungso nak avan awn nang cu ka ning tuk khai nei.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

JEREMIAH 51:25

Babilonian nang cu khomdek khan avan m’di ciah khomhtung awn na täng ci. Cun ung phi kei, Bawipa cu nang ah ga ah ka kyak ci. Kei naw nang cu ning k’pang ne m’dek awn ka ning pingtei sak khai, m’vut ah ka ning kyak sak khai.

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

PHYAWN NAK 13:8

Pawi nami tün law ah a kyak ung shin ah bi gui avan cu nami hta gui am nami m’thein gui vai, a i ah kyasei ci ung nangmi naw Egypt khaw nami hteh tak yah ung, Bawipa naw nangmi ah phäh ah abi ah hmawk ah kyak ci.

PHYAWN NAK 13:20

Israel gui cu Sukkoth ungka naw hteit ne, bung ah pei, Etham ung phung tu ne ng’düm ci gui.

EZEKIEL 5:8

Cun ah kyasei kei, uktu Bawipa naw ka ning m’thein ci, kei cu nang ah ga ah ka kyak ci. Chang pakhui gui ami van naw ami hmuh hning vai ah nang ah khan ah m’khoi cho nak cu ka gawk sak khai.

EZEKIEL 21:3

Kei, Bawipa naw ka pyen nei: Kei cu nami na ga nei. Kei naw ka khimsem phawng ne, changnichang she, nami van ka ning ngawn gui khai.

EZEKIEL 34:10

Kei, uktu Bawipa naw ka m’dang cu, kei cu nami na ga nei, kei naw ka htome cu nang ungka la ne ahei ah ka hteh püi khai, nang cu ngami ah htome shäm ah kä ka ning kyak ba sak phung khai. Nami mät naw nami mät nami m’htei vai ah kä ka ning kyak ba sak gui khai. Kei naw ka htome gui cu nangmi ungka ka gung gui khai, kä ka ning ei ba sak gui khai.

NAHUM 2:13

M’gäi ciah Bawipa naw, “Kei cu na na ga nei! Ng’hlee gui cu mei awn ka m’khih khai, na gakap gui ng’tuk nak ung ngawn gui yawp khai gui, chang ah kaa nami lak gui avan la ne ka ghawt yawp khai. Nangmi ung ng’shä gui ah k’thäh cu a u naw kä ng’ya ba khai nei.”

JEREMIAH 17:3

la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.