JEREMIAH 20:9 - Cho Bible Common Language 2016

⁹ Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

JEREMIAH 20:9 Referans Kwoze

SAM 39:3

Kei cu cäi ng’ä nak naw na näng ci, Ngaih tüh law pi ne, ka gein vai law pi ci, cun cu kä pyen ne kä ka om hlawt ci nei,

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

LAMKTU 17:16

Paul cu Athens gawnu ah Silas la Timothi cu ging goi ne a om yah ung, gawnu avan cu a gup bäng ah kyasei hmu netah ang htei ah am lung thüi ci.

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

LUKA 9:62

Bawipa Jesuh naw, “Vintang, m’hachaa kawt ne, a hnu ah va mang ba ci cu Khanpughi ah Uknak kho ah hmawk ah a i ah kä mawng ci nei” ci na gui ci.

LAMKTU 18:5

Macedonia ah kaa Silas la Timothi ani law ba kawn ah Paul cu thu Ni bäng k’tha nah ne pyein ne, Bawipa Jesuh cu Messiah ah a kyak ah mawng Judah chang gui am ak ni ah m’thein gui ci.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

JEREMIAH 23:9

Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

JEREMIAH 23:29

Kei ah ng’thu cu mei ah mäih ah kyak ci, lung khui khai ah shuk ciah ng’kii ah mäih ah kyak ci.

EZEKIEL 3:3

Ani naw pyen ci, “Hnicim chang, kei naw ka ning pek ah shin ah ca k’chaw cu ei ä; a shin awn na Chi bi sakä.” Kei naw cun cu ka ei ci, khoitui ah mäih ah tui hlim ci.

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

JONAH 1:2

Ani naw, “Nineveh mang gaw nu ah hteit ne hnungtuk ne ng’thu na pyen vai nei. Cun ah gaw ung chang gui a i hlawk ah ami shetkat cu kei naw ka hmat ci nei” cik ci.

JONAH 1:3

Cun ung phi Jonah cu pawng ne Bawipa hnu na ne a lam hei ung hteit ci. Ani cu Joppa ah hteit ci, cun kawn ah Spain ah hteit khai ah htinpaw cu hmuk ci. Ani naw htinpaw ah ang khah pe ne ngami awn atäng ah hteit tuk ci. A cu ah ani cu Bawipa awn ang shawng vai ah phäh ah kyak ci.