JEREMIAH 20:8 - Cho Bible Common Language 2016

⁸ Kei cu ka ng’thu law phung ung kyap ne “m’ghämce nak! Dishum nak!” cine ka m’lau ci nei. Bawipa, nang ah ng’thu ka ng’shäu ah phäh ah kei cu akphlüt sei, na päipih, na shedam nak ci gui nei.

JEREMIAH 20:8 Referans Kwoze

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

HEBRU 11:26

Messiah Bawipa ah hmawk ah lü ng’aa nak gah cu, Egypt kho ah khawcham avan ah tah bä pi ciah k’bäi ci, a i ah kyasei ci ung ani naw ngawi ah gah law vai ah m’cümhnah nak cu a hmuh ah hmawk ah kyak ci.

LUKA 11:45

Thukhän saya tumat naw, Sayapa, nang naw cun ah na pyein cu, keimi na na k’shedam nak gui ah kyak ci” cine pyein ci.

JEREMIAH 28:8

Caupui, ka la nangmi ah khin ah kä a kyak pha ung prophet gui naw ng’thu pyen ne ami ng’cäbang cu, ng’tuknak, ei cawi nak la gawpyam nak gui cu changpakhui akda la huham mak ciah uktu khaw gui al khan ah gawk lawk khai, ciah kyak ci.

JEREMIAH 20:7

Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

JEREMIAH 5:6

Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.

JEREMIAH 15:10

A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

JEREMIAH 15:15

Cun kawn ah kei naw, “BAWIPA, nang naw nah mat ci. Na shüm ba ne na m’htei htang ä. Na k’dudei nak ci gui ah khan ah phu na tuk sak ä. Ngami naw kei na näng ne ami na ngawn güt nang naw kä hnim gei en ä. Kei ami na shedam nak cu nang ah hmawk ah kyak ci, cicu shüm ba ä.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.

2 GHANGPUGHANG GUI 2:23

Elisha cu Jerikho ungka naw Bethela ah hteit ci, lam ah gawnu ah ka a hmaw gui cu law u neta ng’pyan nak ci gui. “Alu k’de nu shin ungka a hei ah hteit ä” cine m’lau ci gui.

ISAIAH 57:4

Nangmi naw a u ang nami gaih tu? Nangmi naw a u ang nami m’lepse?