JEREMIAH 20:7 - Cho Bible Common Language 2016

⁷ Bawipa, nang naw kei cu na na m’hleei ci kya sei, kei cu m’hleei ah kyak ci. Nang cu kei ah tan na k’thamah pi ci, nang naw kei cu na na kahta nak ci. Chang nü naw na päipih u ne, khaw hnüüp pum ung na ng’li pyan ci gui.

JEREMIAH 20:7 Referans Kwoze

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

NG’ÄI KYAH 3:14

Chang gui naw a hnüüp um ung na gaih tuk ci gui. Ngami ami van ah phäh ah kei cu cawhpeh ah mäih ah ka kyak ci.

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

JEREMIAH 20:9

Cun ung phi kei naw, “Kei naw Bawipa kä ka m’hnih khai nei, ani ah min gung ng’thu kä ka pyen ba khai nei,” ka ciah a kyak ung, nang ah ng’thu cu kei ah m’lung kyong ah mei ah mäih ah ui ci nei. Kei naw cun cu akyong ah ka k’pan vai ah ka tha nak ci, cun ung phi kä ka k’pan vai ah ka tha nak ci, cun ung phi kä ka k’pang ba hlawt ci nei.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

1 KORIN 9:6

Kei la Barnabas bäng naw kani ghin nak vai ah hmawk ah bi kani bik khai maa?

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LUKA 23:11

Herod la agakap gui naw phi, Bawipa Jesuh cu, päipih ne shedam nak ci gui. Cun kawn ah aktung ah m’sui m’sak netah Pilat bawi ah tüi ba ci.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

JEREMIAH 29:26

Nang cu Jehoiada ah hnün ung taigü ah Bawipa naw ning m’düih ci Tuhbäi nang cu Taigüim ung Bawi angvaipi ah na kya kü Prophet ah ng’shei ciah akgu phung cu hmu teng ne m’sii gui awn a gawn ung pat ne na ci vai cu nang ah bi vai ah kyak ci nei.

JEREMIAH 17:16

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

JEREMIAH 15:18

A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”

JEREMIAH 15:10

A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

2 GHANGPUGHANG GUI 2:23

Elisha cu Jerikho ungka naw Bethela ah hteit ci, lam ah gawnu ah ka a hmaw gui cu law u neta ng’pyan nak ci gui. “Alu k’de nu shin ungka a hei ah hteit ä” cine m’lau ci gui.

JOB 12:4

Tuhbäi ka teihpüi gui naw phi na gaih tuk ci gui nei; ngami naw na gaih tuk ci gui, cun ung phi kei ka düng ci, katnak kä om ci. Cun ung phi Khanpughi naw ka taigü ana m’shan nak vai ah akhin om pyi ci nei.

SAM 119:51

Chang ah ng’shei ci gui naw angtäi sei, na päipih ci gui, cun ung phi na thukhän cu kä ka hteh tak ci.

JEREMIAH 38:19

Ghangpughang naw m’shang ne, “Babilonian gui ah dawng ci gui ah mi khochang gui cu kei naw ka kyih gui ci nnei. Ngami ah kut ung kei cu ami ap ah a kyak ung na dukdeiu nak khai gui nei.”

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

JOB 30:9

Ngami tuhbäi law ne kei cu na gaih tuk ci gui. Kei cu a kholä, ngami ah phäh ah gaih vai ah ka kyak ci.

ISAIAH 8:11

Bawipa naw dämduh ciah a huham awn kei cu ng’thu nak bäi ne, chang gui naw ami läk ah lam cu kä ka