JEREMIAH 20:5 - Cho Bible Common Language 2016

⁵ Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

JEREMIAH 20:5 Referans Kwoze

EZEKIEL 22:25

Ami ng’vai gui cu phongkawng alawh vai ah khisa ah khan ah am ngaw ah mäih ah kyak ci gui. Ngami naw chang ngawn ci gui, ami ngui avan la ami khawh ami gah hning phung cu lak ci gui, chang ami ngawn gui naw hmeinu akda nawng shüt ci gui.

JEREMIAH 15:13

Bawipa naw na pyen nak ci, “ka chang gui ah khawh them gui la khawh cham gui hteh püi khai gui ah kei naw ga gui ka tüi lawk khai. Cun cu kho avan ung ngami naw katnak ami ah phäh ah m’kyuk nak gui ah kyak ci.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

JEREMIAH 17:3

la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

NG’ÄI KYAH 4:12

A u naw phi, a hawi ah phi, a khohei khaw uktu gui naw phi, Jerusalem ah m’kawt cu a u naw atuk law ung phi, kä lut law hlawt khai ciah yum ci gui.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

JEREMIAH 39:8

Cun sangung Babilonian gui naw bawi mang im la Chang gui ah im gui cu m’khih u ne, Jerusalem mang pang cu gäi ci gui.

JEREMIAH 39:2

Zedekiah ghangpughang ah a kyak nak akum ghalei at nak a cha phil nak ah a hnüüp kaw hnüüpung, mang gawk pang ung ngai ci.

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

JEREMIAH 3:24

Cun ung phi Baala, lümg aa nak ah khanpughi khawihnah nak naw cau pui tün ne kami pupa gui naw ami bilawh law gui nü-htome nak, seipat mak gui, hta pami, hta hnumi gui avan shum sak yawp ci nei.

ISAIAH 39:6

Bawipa naw pyen ci, Mang im kyong ung ka apäng avam, tuh ngawi ung khüt sei nami pupa gui naw ami m’küm apäng avan, gui cu Babilonia ah hteh püi yawp khai gui. A i kä k’pawih khai.

JEREMIAH 32:24

“Babilonian gui naw shin ah mang gaw tu ne khäm khai gui ah khui gui veing ne co ne khai u ne tu lawk ci gui nei. Ng’tuk nak, ei cawi nak la gawpyam nak naw shin ah mang gaw cu ngami ah kut ung ng’kiak sak khai nei. Nami van naw nami pyen gui abä law cu nangmi naw nami hmuhning ci nei.

HOSEA 13:15

Israel gui cu khum’gho she ah mäih ami thawh ung phi, kei naw khong gau ah ka khokhi ng’ling cu ka tüi lawk khai nei. Cun gui naw ami tui hta gui la tui shawk gui cu kawi sak khai gui, Cun ah aphu küi gui phung avan hteh püi khai.