JEREMIAH 20:2 - Cho Bible Common Language 2016

² kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.

JEREMIAH 20:2 Referans Kwoze

JEREMIAH 37:13

Cun ung phi kei, Benjamin m’kawt ung ka gawk law yak ung, acun ung ng’vaipi ne bii bik ciah gakap gui ah ami bawi Irijah ming nak ci, Shelemiah ah hta, Hananiah ah tu naw ng’düih sak neta, “Nang cu Babilonian chang gui täng ah na dawng ci nei!” cik ci.

ZEKHARIAH 14:10

Khaw ng’lei avan a siiptäng Keba ungka naw, a htumtäng Rimmon ung khüt khai ah pingtei sa khai. Jerusalem cu khaw avan ah khan tänghän ah kyak khai; Mang gaw cu Benjamin m’kawt ungka naw m’kiungtung m’kawt ung khüt ci, cun cu yanä m’kawt man ah kyak ci. Hananela tänghän ungka naw mang ah sapyit neen nak ung khüt ci.

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

JEREMIAH 29:26

Nang cu Jehoiada ah hnün ung taigü ah Bawipa naw ning m’düih ci Tuhbäi nang cu Taigüim ung Bawi angvaipi ah na kya kü Prophet ah ng’shei ciah akgu phung cu hmu teng ne m’sii gui awn a gawn ung pat ne na ci vai cu nang ah bi vai ah kyak ci nei.

2 SHONTÄP NAK 24:21

Ghangpughang Joash cu Zechariah hnungtuk püi ci gui ung ng’dawn tu neta, ghangpughang ah thuk’bäi awn chang gui naw Taigüim hmun kyong ah Zechariah cu lung awn vawi ne ngawn ci gui.

1 GHANGPUGHANG GUI 22:27

Ani cu pang ne chum ne, kei phyawng gai ne ka gawk law ba güt ung m’htut m’bei ne tui nami tu vai nei” cik ci.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

LAMKTU 5:40

Kawngsi ng’vai gui naw Gamaliel ah ng’thu cu ngai u netah ang düihpüi gui cu khü gui ci gui. Cun kawn ah that gui u netah Bawipa Jesuh ah ng’ming awn ng’thu kä ah mi pyein nen ba vai ah, khen neh m’cäi gui netah tüi ba gui ci gui.

LAMKTU 5:18

Ngami naw ang düihgui cu pha gui ne, thawng ung chum gui ci gui.

LAMKTU 4:3

Cun ah kiah seih ngah ni cu pha gawi u ne acun hnüüp kho mü khätah a ngawi ung, khaw ngawi güt thawng ung chum gawi ci gui.

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

JEREMIAH 26:8

Kei naw ka pyen vai ah Bawipa naw ana thumkhän gui avan kei naw ka pyi vai am, ngami naw kei cu nak koi u neta, m’lau ci gui, “Shin ah phäh ah nang cu ning ngawn vai nei!

JOB 13:27

Nang naw ka kho m’si gui awn na na khit ci; ka kho m’khan päng na na teng ci. Ka kho leh päng phi na na khei pek ci.

2 SHONTÄP NAK 18:23

Prophet Zedekiah naw Mikaiah ah law ne a hmai beeih neta a pyen cu, “A i ah ung ang Bawipa ah Mümcha naw kei na hteh ta ne, nang a ning thu püi?”

JOB 33:11

Ani naw m’sii gui awn ka kho na khit ne, Ka hnün hnawh phung cu na teng ci nei.

1 GHANGPUGHANG GUI 13:4

Ghangpughang Jeroboam naw cun cu ng’ya neta, ani cu a kut awn tawk ne, “Shin ah chang cu pha vä” cik ci. Acun vai am ghangpughang ah kut cu k’shum sei kä va saw ba hlawt ci.

JEREMIAH 26:10

Cun ah a kyak gui cu Judah ami ng’vai gui naw ng’ya u neta, ang ghit ah bawi mang ah im ungka Taigüim ah law u ne, m’kawt Thai Hmun ung ng’bum ci gui.

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.