JEREMIAH 20:18 - Cho Bible Common Language 2016

¹⁸ A i ah kyasei kei ami na hta nak ang? Zaica vai la azä vai ah phäh ah ang, thüisei nak awn ka ghin nak a ng’pyi vai ah phäh ah ang?

JEREMIAH 20:18 Referans Kwoze

JOB 3:20

A i ah kyasei chang gui geinvai sak ne ami ghin lä ang? Thüsei ciah chang gui naw a i ah kyasei akdei ami gah ang?

NG’ÄI KYAH 3:1

Khanpughi ah m’kyuk nak khan khai cu a i ang, ci cu kei naw ka hmat ci.

JOB 14:1

Mikmi mi van cu thagui ken sei am geinkaa ah ami na hta nak gui ah kyak ci. Mi van naw atäng täng mi ma nak ci, cun cu khüikha nak ah kyak ci.

SAM 69:19

Ka lü nak, ka thüi nak, kä ka düng nak cu nang naw na hmat ci nei; ka gaa gui avan nang naw na hmuk ci nei.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 11:36

Amshah gui cu k’shedam nak la tukthah nak gah ci gui, amshah gui cu m’si gui awn khit ne thawng ung ami chum gui ah kyak ci.

HEBRU 10:36

Khanpughi ah ang yaak hlü bi hning vai la a shaaitaak gah hning vai ah hnimgei ne om vä.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

JEREMIAH 8:18

Ka azä nak cu a u naw kä gai sak hlawt khai; kei ka m’lung ung ka gaw ci.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ISAIAH 1:6

Lu nug ka naw khaw ung khüt khai ah pumsa avan kä a ng’gai nak kä om ci nei. Nangmi cu leim ni, hmaleim ui, ak hma kauh ni bäng ah nami kyak ci vei. Nami leim gui cu kä m’si pha, kä hlawp pha, kä m’tui pha nei.

JOB 14:13

Sih nak ah kho ungka a na thuh vai ah ka ng’ya hlük ci nei; na m’lungshe nak kä ang pyi pha ah chuih na ng’thuh sak ä. Na na shüm nak ba vai ah akhin phi nak bäi pe ä.

JOB 5:7

Ka akcang! Chang naw amät ah khüikha nak cu amät ah khan ah law püi ci, Cun cu akcang ah mei ah khan ah mei m’ghi a pawng ah mäih ah kyak ci.

SAM 102:3

Ka ghin nak cu mei khu ah mäih ah pyei ne, ka pumsa cu mei ah uih ah mäih ah kyak ci nei.

JEREMIAH 3:25

Mikmi cu thui ngaa ne ng; yän ne, lü ng’aa nak naw na küm gui khin ci nei. Mikmi la mi pupa gui naw angtäi sei Bawipa mi khanpughi hnungtuk ne katnak mi bik ci nei, mikmi naw ani ah thum khan gui cu kä mi läk phung ci nei.

JEREMIAH 15:10

A i hlawk ah kä yei ciah chang ang kei cu! A i ah kyasei khomdek khan ung kanu naw ana hta nak ang? Shin ah kho ung chang nü awn kani ng’cuh can lawk ci nei. Kei naw a u am kä ka k’pu ci, a u ah kä ka puk ci, cun ung phi chang nü naw na tam ci nei.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.

1 GHANGPUGHANG GUI 19:4

Elijah cu bung hmu ah hnüüp pum ung hteit ci. Ani cu sing ghing ah ang hniim ka ah ng’düm neta, ka sih ung bä tuba khai, ci neta ak taigü cu, “Bawipa, ka yai aih ci nei, ka ghin nak cu na lak pe ä; kei ka sih ung bä tuba khai nei!” cik ci.

JEREMIAH 15:18

A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”